ନୂଆଦିଲ୍ଲୀ,୫।୧: ଡିସେମ୍ବର ୨୦୨୦ରେ ନୂଆ ସଂସଦ ଭବନ ନିର୍ମାଣରେ ସୁପ୍ରିମ୍କୋର୍ଟ ପକ୍ଷରୁ ପରିବେଶ ସମ୍ପର୍କିତ କାରଣରୁ ବାଧା ସୃଷ୍ଟି କରାଯାଇଥିଲା। ତେବେ ମଙ୍ଗଳବାର ସୁପ୍ରିମ୍କୋର୍ଟ ସେଣ୍ଟ୍ରାଲ ଭିଷ୍ଟା ପ୍ରୋଜେକ୍ଟ କାମକୁ ମଞ୍ଜୁରୀ ଦେଇଛନ୍ତି। ଏହାଦ୍ୱାରା ପ୍ରକଳ୍ପ ବାଟରେ ଥିବା କଣ୍ଟା ହଟିଯାଇଛି। ସୁପ୍ରିମ୍କୋର୍ଟ କହିଛନ୍ତି ଯେ, ନିର୍ମାଣ ଅଞ୍ଚଳରେ ସ୍ମୋଗ୍ ଟାଓ୍ବାର ଲଗାଇବା ଅନିବାର୍ଯ୍ୟ। ପ୍ରସ୍ତାବିତ ଅଞ୍ଚଳରେ ୮୭୬ ଆସନ ବିଶିଷ୍ଟ ଲୋକ ସଭା ଏବଂ ୪୦୦ ଆସନ ବିଶିଷ୍ଟ ରାଜ୍ୟ ସଭା ନିର୍ମାଣ କରାଯିବ। ସେହିପରି ୧୨୨୪ ଆସନ ବିଶିଷ୍ଟ ସେଣ୍ଟ୍ରାଲ ହଲ୍ ମଧ୍ୟ ନିର୍ମାଣ ହେବ। ଏଠାରେ ୧୦ଟି ବିଲ୍ଡିଂ ନିର୍ମାଣ କରାଯିବ। ସେଥିରେ ୫୧ଟି ମନ୍ତ୍ରଣାଳୟ ରହିବ। ମନ୍ତ୍ରଣାଳୟକୁ ମୋଟ୍ରୋ ଷ୍ଟେଶନ ସହିତ ଭୂଗର୍ଭ ମାର୍ଗ ଦ୍ୱାରା ସଂଯୋଗ କରାଯିବ। ରାଷ୍ଟ୍ରପତି ଭବନ ନିକଟରେ ଉପରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀଙ୍କ ପାଇଁ ନୂଆ ନିବାସ ମଧ୍ୟ ନିର୍ମାଣ କରାଯିବ। ଏହି ପ୍ରକଳ୍ପ ପାଇଁ ୧,୦୦୦କୋଟି ଟଙ୍କାର ବ୍ୟୟ ଅଟକଳ ପ୍ରସ୍ତୁତ କରାଯାଇଛି।
