ଚଣ୍ଡିଗଡ଼,୨୦।୭: ହରିୟାଣାରେ ବିଧାନସଭା ନିର୍ବାଚନ ପୂର୍ବରୁ ରାଜନୈତିକ ଦଳସବୁ ବଡ଼ ଦାବି କରୁଛି। ଏହି କ୍ରମରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ପତ୍ନୀ ସୁନୀତ କେଜରିୱାଲ ଶନିବାର ହରିୟାଣା ଗସ୍ତରେ ଅଛନ୍ତି। ଆମ ଆଦମୀ ପାଟର୍ଇ(ଏଏପି)ସୁପ୍ରିମୋଙ୍କ ସ୍ତ୍ରୀ ହରିୟାଣାର ଲୋକଙ୍କୁ ଦଳର ପାଞ୍ଚଟି ଗ୍ୟାରେଣ୍ଟି ଉପସ୍ଥାପନ କରିଛନ୍ତି। ଏଥିରେ ଭଉଣୀମାନଙ୍କୁ ମାସକୁ ୧୦୦୦ଟଙ୍କା, ମାଗଣା ବଜୁଳି, ମାଗଣା ଶିକ୍ଷା ଏବଂ ଅନ୍ୟାନ୍ୟ ଗ୍ୟାରେଣ୍ଟି ଘୋଷଣା କରାଯାଇଛି।
ହରିୟାଣାରେ ବିଧାନସଭା ନିର୍ବାଚନ ପୂର୍ବରୁ ଆମ ଆଦମୀ ପାର୍ଟି ପ୍ରଚାର ଆରମ୍ଭ କରିଛି। ଇତି ମଧ୍ୟରେ ଅରବିନ୍ଦ କେଜରିୱାଲଙ୍କ ସ୍ତ୍ରୀ ସୁନୀତା କେଜରିୱାଲ ହରିୟାଣାରେ ଦାୟିତ୍ୱ ଗ୍ରହଣ କରିଛନ୍ତି। ସେ ଶନିବାର ହରିୟାଣାରେ ପହଞ୍ଚି ଏକ ସାଧାରଣ ସଭାକୁ ସମ୍ବୋଧିତ କରିଥିଲେ। ଏହି ସମୟରେ ସେ କହିଛନ୍ତି ଯେ ଯଦି ବିଧାନସଭା ନିର୍ବାଚନରେ ଏଏପି ପ୍ରାର୍ଥୀ ଜିତନ୍ତି ତେବେ ମହିଳାଙ୍କୁ ପ୍ରତି ମାସରେ ୧୦୦୦ଟଙ୍କା ଦିଆଯିବ। ଏହା ସହିତ ସେ ପାଞ୍ଚଟି ବଡ ଗ୍ୟାରେଣ୍ଟି ଉପସ୍ଥାପନ କରିଛନ୍ତି।
