ଜୟପୁର,୧୬ା୭ (ନି.ପ୍ର.): ଜାତୀୟ ସ୍ତରରେ ସୁନ୍ଦରୀ ପ୍ରତିଯୋଗିତାରେ ଚମକିଲେ ପୁଣି ଜଣେ ଓଡ଼ିଆ ଝିଅ। ଜିରୋନ ପ୍ରଡକ୍ସନ ହାଉସ୍ ପକ୍ଷରୁ ଆୟୋଜିତ ମିସ୍ ଇଣ୍ଡିଆ-୨୦୨୦ ସିଜନ-୨ରେ କୋରାପୁଟ ଜିଲାର ଜୟପୁରର ଦୀପ୍ତିରାଣୀ ସେମିଫାଇନାଲକୁ ଉନ୍ନୀତ ହୋଇଛନ୍ତି। ତାଙ୍କର ଏହି ସଫଳତା କୋରାପୁଟ ଜିଲା ତଥା ରାଜ୍ୟ ପାଇଁ ଆଣିଦେଇଛି ଗୌରବ। ମେଧାବୀ ଛାତ୍ରୀ ଦୀପ୍ତିରାଣୀ ଫ୍ୟାଶନ ଦୁନିଆ ପ୍ରତି ରୁଚି ରଖିଥିଲେ। କୋରାପୁଟର କଳା ସଂସ୍କୃତିକୁ ଉଚ୍ଚ ସୋପାନରେ ପହଞ୍ଚାଇବା ଲକ୍ଷ୍ୟ ରଖିଥିବା ଏହି ଝିଅ ମିସ୍ ଇଣ୍ଡିଆ ପ୍ରତିଯୋଗିତା ପାଇଁ ଅନ୍ଲାଇନରେ ପଞ୍ଜୀକରଣ କରିଥିଲେ। ପ୍ରତିଯୋଗିତା ଆରମ୍ଭ ହେବା ପରେ ସେ ଗୋଟିଏ ପରେ ଗୋଟିଏ ରାଉଣ୍ଡ ଅତିକ୍ରମ କରି ସେମିଫାଇନାଲରେ ପହଞ୍ଚତ୍ପାରିଛନ୍ତି। ଆଗକୁ ଫାଇନାଲରେ ପ୍ରବେଶ ପାଇଁ ସେ ଆଶା ରଖିଛନ୍ତି। ଏହି ପ୍ରତିଯୋଗିତାରେ ସେମିଫାଇନାଲ ପର୍ଯ୍ୟନ୍ତ ଆସିବା ତାଙ୍କ ପାଇଁ ମହତ୍ତ୍ୱପୂର୍ଣ୍ଣ ଥିଲା ବୋଲି ଦୀପ୍ତିରାଣୀ କହିଛନ୍ତି, ସେ ଜଣେ ମଡେଲ ହେବା ଲାଗି ପିଲାଦିନୁ ଇଚ୍ଛା ରଖିଥିଲେ। ସ୍କୁଲରୁ ଆରମ୍ଭ କରି କଲେଜ ପର୍ଯ୍ୟନ୍ତ ସେ ବିଭିନ୍ନ କାର୍ଯ୍ୟକ୍ରମରେ ଅଭିନୟକରି ପୁରସ୍କୃତ ହୋଇଛନ୍ତି। ମୁଁ ବି ହିରୋଇନ ହେବି, ମିଠାମିଠା କଥା, ମୁଁ ହିରୋ ମୋ ଓଡ଼ିଶା,ଏକ ଭାରତ ଶ୍ରେଷ୍ଠ ଭାରତ ଆଦି ପ୍ରତିଯୋଗିତାରେ ନିଜକୁ ସାମିଲ କରି ସଫଳତା ପାଇଛନ୍ତି।
