କେନ୍ଦୁଝର,୭ା୧(ସ୍ବ.ପ୍ର.): କେନ୍ଦୁଝର ଜିଲା ପୂର୍ବତଟ ରେଳବାଇର ଜେନେରାଲ ମ୍ୟାନେଜରଙ୍କୁ କେନ୍ଦୁଝର ଯୁବ ପରିଷଦର ଆବାହକ ବରଦା ଦାସଙ୍କ ନେତୃତ୍ୱରେ ଏକ ଦାବିପତ୍ର ପ୍ରଦାନ କରାଯାଇଛି। ଜିଲା ଦେଇ ଭୁବନେଶ୍ୱରରୁ ଦିଲ୍ଲୀକୁ ଟ୍ରେନ ଚଳାଚଳ, ଖଡ଼ଗପୁରରୁ ଯାଜପୁର -କେନ୍ଦୁଝରଗଡ଼କୁ ଆସୁଥିବା ଟ୍ରେନକୁ କେନ୍ଦୁଝର ପର୍ଯ୍ୟନ୍ତ ସମ୍ପ୍ରସାରଣ, ବିଶାଖାପାଟଣା-ଟାଟା ଟ୍ରେନକୁ ଦୈନିକ ଚଳାଇବା, କେନ୍ଦୁଝରରୁ ପାରାଦୀପକୁ ଯାତ୍ରୀବାହୀ ରେଳ ଚଳାଚଳ, ଖଡ଼ଗପୁରରୁ ବଡ଼ବିଲ ଜନଶତାବ୍ଦୀ ଟ୍ରେନ୍କୁ କେନ୍ଦୁଝର ପର୍ଯ୍ୟନ୍ତ ସମ୍ପ୍ରସାରଣ, ପୁରୀ-ବଡ଼ବିଲ ଟ୍ରେନରେ ଅଧିକ କୋଚ୍ ଯୋଡ଼ିବା ଆଦି ଦାବି କରିଛନ୍ତି। ସେହିପରି କେନ୍ଦୁଝର ଦେଇ ଟାଟାରୁ ହାଇଦ୍ରାବାଦ ଓ ବାଙ୍ଗାଲୁରୁକୁ ଯାତ୍ରୀବାହୀ ଟ୍ରେନ୍ ଚଳାଚଳ ଦାବି କରିଛନ୍ତି।
