ଆହ୍ଲାବାଦ୍,୧୪।୧୨: ଆହ୍ଲାବାଦ କେନ୍ଦ୍ରୀୟ ବିଶ୍ୱବିଦ୍ୟାଳୟର ପିସିବି ହଷ୍ଟେଲର ୬୮ ନମ୍ବର କୋଠରୀରେ ଏକ ବୋମା ବିସ୍ଫୋରଣ ହୋଇଥିଲା। ବୋମା ବିସ୍ଫୋରଣ ଯୋଗୁ ପ୍ରଭାତ ନାମକ ଜଣେ ଛାତ୍ର ଆହତ ହୋଇଛନ୍ତି। ତାଙ୍କର ଗୋଟିଏ ହାତ ଖଣ୍ଡ ଖଣ୍ଡ ହୋଇଯାଇଥିଲା ଏବଂ ତାଙ୍କ ଛାତିରେ ବୋମା ଖଣ୍ଡ ମଧ୍ୟ ବାଜିଥିଲା। ଛାତ୍ର ଜଣକ ହଷ୍ଟେଲ ରୁମକୁ କବଜା କରି ବେଆଇନ ଭାବେ ରହୁଥିଲେ। କର୍ନେଲଗଞ୍ଜ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତରେ ନିୟୋଜିତ ଅଛି। ଆହତ ଛାତ୍ରଙ୍କୁ ଚିକିତ୍ସା ପାଇଁ ଏସ୍ଆର୍ଏନ୍ ଡାକ୍ତରଖାନାରେ ଭର୍ତ୍ତି କରାଯାଇଥିଲା।
ବୋମା ବିସ୍ଫୋରଣ ପରେ ସେଠାରେ ଗଣ୍ଡଗୋଳ ହୋଇଥିଲା। ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା। ଛାତ୍ରମାନଙ୍କ ସହାୟତାରେ ଆହତ ଛାତ୍ରଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଏହି ଘଟଣାର ତଦନ୍ତରେ ପୋଲିସ ନିୟୋଜିତ ଅଛି। ପିସି ବାନାର୍ଜୀ ହଷ୍ଟେଲରେ ରହୁଥିବା ଏହି ଛାତ୍ର ଜଣଙ୍କ ହଷ୍ଟେଲରେ ବୋମା ତିଆରି କରୁଥିଲେ। ବିସ୍ଫୋରଣ ହେତୁ ତାଙ୍କ ଡାହାଣ ହାତରେ ଗୁରୁତର ଆହତ ହୋଇଥିଲେ।
