ଦାରିଙ୍ଗବାଡ଼ି,୮ା୨(ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡ଼ି ସରକାରୀ ଉନ୍ନୀତ ଉଚ୍ଚ ମାଧ୍ୟମିକ ବିଦ୍ୟାଳୟରୁ ନବମ ଛାତ୍ର ନିଖୋଜ ଛାତ୍ର କିଷାନ ବେହେରା ୨୪ ଘଣ୍ଟାରୁ ଊର୍ଦ୍ଧ୍ୱ ସମୟ ପରେ ଉଦ୍ଧାର ହୋଇଥିବା ପୋଲିସ କହିଛି। ତାଙ୍କୁ ଶନିବାର ବିଳମ୍ବିତ ରାତିରେ ବିଦ୍ୟାଳୟର କର୍ତ୍ତୃପକ୍ଷ, ସିସିଏ (କୁକ କମ୍ ଆଟେଣ୍ଡାଣ୍ଟ) ତାଙ୍କୁ ଗ୍ରୀନବାଡ଼ିର ଏକ ପୋଖରୀ ନିକଟରେ ନିଆଁ ପୁଉଁଥିବା ଦେଖି ତାଙ୍କୁ ଉଦ୍ଧାର କରିଥିଲେ ବୋଲି ଜଣାପଡ଼ିଛି। ଏନେଇ ଦାରିଙ୍ଗବାଡ଼ି ଆଇଆଇଆସି ସଂଗ୍ରାମ କେଶରୀ ଜେନା କହିଛନ୍ତି ଯେ, ବିଦ୍ୟାଳୟ ପକ୍ଷରୁ ତାଙ୍କୁ ଉଦ୍ଧାର କରାଯାଇଥିବା ବେଳେ ସେ ଜଣେ ସାଙ୍ଗ ଘରକୁ ଯାଇଥିବା ପୋଲିସ ପ୍ରାଥମିକ ତଦନ୍ତରୁ ଜଣାପଡ଼ିଥିବା କହିଛନ୍ତି। ତେବେ ସେ ଏହି ଶୀତୁଆ ରାତିରେ କିଭଳି ବାହାରେ ରହିଥିଲେ ଓ ଦିନରେ ସେ ବଜାରରେ ବୁଲୁଥିବା ଓ ବିଳମ୍ବିତ ରାତ୍ରିରେ ସେ ଏକ ନିଛାଟିଆ ରାତିରେ ପୋଖରୀ ନିକଟରେ ନିଆଁ ପୁଉଁଥିବା ଓ ସେ ସାଙ୍ଗ ଘରକୁ ଯାଇଥିବା କହୁଥିବା ବେଳେ ସେ କିଭଳି ଜଣେ ଉଦ୍ଧାର ହୋଇଛନ୍ତି ତାଙ୍କ ସହ ଆଉ କେହି ନ ଥିଲେ ଏ ସବୁକୁ ପୋଲିସ ଏବଂ ବିଦ୍ୟାଳୟ କର୍ତ୍ତୃପକ୍ଷ ତଦନ୍ତ କରୁଥିବା ଜଣାପଡ଼ିଛି।
ସେହିପରି ବିଦ୍ୟାଳୟର ଛାତ୍ରାବାସରୁ କିଭଳି ଛାତ୍ର ଜଣଙ୍କ ବାହାରକୁ ଚାଲିଗଲେ ସେନେଇ ଅଭିଭାବକ ମହଲରେ ଚିନ୍ତା ବଢ଼ାଇଛି ବୋଲି କୁହାଯାଉଛି। ଉକ୍ତ ବିଦ୍ୟାଳୟର ନବମ ଶ୍ରେଣୀ ଛାତ୍ର କିଷାନ ବେହେରା ଶୁକ୍ରବାର ସନ୍ଧ୍ୟାରୁ ନିଖୋଜ ହୋଇଯାଇଥିଲେ ସେ ନିଖୋଜ ଥିବା ବିଦ୍ୟାଳୟ କର୍ତ୍ତୃପକ୍ଷ ସନ୍ଧ୍ୟାରେ ଜାଣିବା ପରେ ଖୋଜାଖୋଜି କରିବା ପରେ କୌଣସି ସନ୍ଧାନ ନ ମିଳିବାରୁ ଶନିବାର ଥାନାରେ ବିଦ୍ୟାଳୟ ପକ୍ଷରୁ ଥାନାରେ ଲିଖିତ ଅଭିଯୋଗ କରାଯାଇଥିଲା।
