ନୀଳଗିରି, ୨୧।୫(ପ୍ରଶାନ୍ତ କୁମାର ବିଶ୍ବାଳ): ଘରୋଇ ମେସର ୩ ମହଲା ଛାତରୁ ଖସି ଛାତ୍ର ଗୁରୁତର ହୋଇ କଟକ ମେଡିକାଲକୁ ସ୍ଥାନାନ୍ତର ହୋଇଛନ୍ତି। ଛାତତ୍ର ଜଣଙ୍କ ନୀଳଗିରି ବ୍ଲକ ଜାମୁଡ଼ିହା ଆଦର୍ଶ ବିଦ୍ୟାଳୟର ଅଷ୍ଟମ ଶ୍ରେଣୀରେ ପଢୁଛନ୍ତି। ଛାତ୍ରଟିର ଘର ବରହମପୁର ଥାନା ଗରିଡିହି ପଞ୍ଚାୟତ ବାଙ୍କିସାହି ଗ୍ରାମରେ। ତାଙ୍କ ନାମ ତନ୍ମୟ ଜେନା। ଛାତ୍ରଙ୍କୁ ପ୍ରଥମେ ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ଓ ପରେ ଅବସ୍ଥା ଗୁରୁତର ହେବାରୁ କଟକ ସ୍ଥାନାନ୍ତର କରାଯାଇଛି। ଜାମୁଡିହା ସ୍ଥିତ ଆଦର୍ଶ ବିଦ୍ୟାଳୟରେ ପାଠ ପଢୁଥିବା ବେଳେ ବିଦ୍ୟାଳୟ ନିକଟ ଏକ ଘରୋଇ ହଷ୍ଟେଲରରେ ରହି ପାଠ ପଢୁଥିଲେ। ବୁଧବାର ରାତିରେ କୌଣସି କାରଣରୁ ସେ ୩ ମହଲାରୁ ଖସିପଡ଼ିଥିଲେ। ଜାମୁଡିହା ସ୍ଥିତ ଆଦର୍ଶ ବିଦ୍ୟାଳୟ ପାଖ ଗ୍ରାମରେ ଛତୁ ଫୁଟିଲା ଭଳି ଘରୋଇ ମେସ୍ ରହିଥିବାବେଳେ ସରକାରଙ୍କ ନଜର ନାହଁ। ଏପରିକି ଘରୋଇ ମେସ୍ର ମାଲିକମାନଙ୍କ ପାଖରେ କୌଣସି କାଗଜ ପତ୍ର ନଥିବା ବେଳେ ଜାମୁଡିହା ଗ୍ରାମରେ ବେଆଇନ ଭାବେ ପୁଅ, ଝିଅ ଛାତ୍ରଙ୍କୁ ରଖି ଏକାଧିକ ଘରୋଇ ମେସ୍ ଚଳାଉଛନ୍ତି।