ଗୋପ,୨୫ା୭(ଡି.ଏନ୍.ଏ): କରୋନାକୁ ନେଇ ସାରା ଦେଶ ଔଷଧ ପ୍ରସ୍ତୁତ ଲାଗି ଉଦ୍ୟମ ଜାରି ରଖିଛନ୍ତି। ଏଭଳି ସମୟରେ ସଂକ୍ରମଣରୁ ରକ୍ଷା ପାଇବା ପାଇଁ ପୁରୀ ଜିଲା ଗୋପ ବ୍ଲକର ଜଣେ କୁନି ଛାତ୍ର ଏକ ଅଟୋମେଟିକ ସାନିଟାଇଜ୍ ମେଶିନ ନିର୍ମାଣ କରି ଚର୍ଚ୍ଚାକୁ ଆସିଛନ୍ତି। ସେ ହେଉଛନ୍ତି ଗୋପ ଅଞ୍ଚଳର ମୁସଲମାନ ବସ୍ତିରେ ରହୁଥିବା ମହମ୍ମଦ ସାଦ ଅକତର। ତାଙ୍କର ଏହି ମେଶିନକୁ ଶୁକ୍ରବାର ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ପ୍ରଥମେ ଉଦ୍ଘାଟନ କରିବା ସହ ନିଜେ ମଧ୍ୟ ସାନିଟାଇଜ ହୋଇଛନ୍ତି। ଅକତରଙ୍କ ଏହି କାର୍ଯ୍ୟ ପାଇଁ ମନ୍ତ୍ରୀ ପ୍ରଶଂସା କରିବା ସହ ଭବିଷ୍ୟତରେ ରାଜ୍ୟ ତଥା ଦେଶର ନଁା ରଖିପାରିବ ବୋଲି କହିଛନ୍ତି। ସୂଚନାଯୋଗ୍ୟ, ଅକତର ନିମାପଡ଼ା ଡିଏଭି ପବ୍ଲିକ ସ୍କୁଲର ୭ମ ଶ୍ରେଣୀରେ ପାଠ ପଢ଼ନ୍ତି। କିଛିଦିନ ତଳେ ଅକତର ଗୋଟିଏ ବଡ଼ ହୋଟେଲକୁ ବୁଲିବା ଲାଗି ଯାଇଥିବାବେଳେ ସେଠାରେ ଏପରି ସାନିଟାଇଜ ମେଶିନ ଥିବା ଦେଖିଥିଲେ। ପୂର୍ବରୁ ସାଧାରଣ ରୋଗୀମାନେ ଡାକ୍ତରଖାନାକୁ ଗଲେ ନାନା ଅସୁବିଧା ହେଉଥିବା କୌଣସି ସାନିଟାଇଜ ବ୍ୟବସ୍ଥା ନ ଥିବା ଟିଭିରେ ଦେଖିଥିଲେ। ତେବେ ସେହି ଦିନରୁ ଡାକ୍ତରଖାନାକୁ ଆସୁଥିବା ଗରିବ ରୋଗୀଙ୍କ ପାଇଁ ଅଟୋମେଟିକ ସାନିଟାଇଜ ମେଶିନ କରିବା ପାଇଁ ଚିନ୍ତା କରିଥିଲେ। ବାପା ହାତ ଖର୍ଚ୍ଚ ପାଇଁ ଦେଉଥିବା ଟଙ୍କାରେ ସାନିଟାଇଜ ଓ ଆବଶ୍ୟକ ସାମଗ୍ରୀ କିଣି ୧୦/୧୨ଦିନ ମଧ୍ୟରେ ସାନିଟାଇଜ ମେଶିନ ପ୍ରସ୍ତୁତ କରିଥିଲେ। ଏହି ମେଶିନ ତିଆରି କରିବାକୁ ତାଙ୍କୁ ମାତ୍ର ୭/୮ ହଜାର ଟଙ୍କା ଲାଗିଥିବା କହିଛନ୍ତି। ସ୍ବାସ୍ଥ୍ୟକେନ୍ଦ୍ରକୁ ଆସୁଥିବା ରୋଗୀ ଏହି ଅଟୋମେଟିକ ମେଶିନ ଦ୍ୱାରା ୮ ସେକେଣ୍ଡରେ ସାନିଟାଇଜ ହୋଇପାରିବେ ବୋଲି ଅକତ୍ର କହିଛନ୍ତି। ଏହାହେଲା ପରେ ପ୍ରଥମଥର ପାଇଁ ଗୋପ ସ୍ବାସ୍ଥ୍ୟକେନ୍ଦ୍ରରେ ଲଗାଯାଇଥିଲା।
