ଛତ୍ରପୁର,୪।୧୦(ସନ୍ତୋଷ ପାଢ଼ୀ): ଛତ୍ରପୁର ବିଦ୍ୟୁତ ନିର୍ବାହୀ ଯନ୍ତ୍ରୀ ଡିଭିଜନ ଅଧୀନରେ କାର୍ଯ୍ୟରତ ୩୦୦ରୁ ଉର୍ଦ୍ଧ ଠିକା କର୍ମଚାରୀ ବୁଧବାର ଠାରୁ କାର୍ଯ୍ୟ ବନ୍ଦ ଆନ୍ଦୋଳନ ଆରମ୍ଭ କରିଛନ୍ତି। ଫଳରେ ବିଦ୍ୟୁତ ବିଭାଗରେ ଅଚଳାବସ୍ଥା ଦେଖାଯିବା ସହ ବିଦ୍ୟୁତ ସେବା ଠପ୍ ହେବା ଆଶଙ୍କା ଦେଖାଦେଇଛି। ଠିକା କର୍ମଚାରୀଙ୍କୁ ଛଟେଇ ମସୁଧା ନେଇ କର୍ମଚାରୀମାନେ ସ୍ଥାନୀୟ କାର୍ଯ୍ୟଳୟ ସମ୍ମୁଖରେ ପ୍ରତିବାଦ ସହ ଧାରଣା ଦେଇଛନ୍ତି । ଆଲୋଚନା ବିଫଳ ପରେ ଏହି କାର୍ଯ୍ୟ ବନ୍ଦ ଆନ୍ଦୋଳନ ଆରମ୍ଭ ହୋଇଛି। ଦାବି ପୂରଣ ନ ହେବା ପର୍ଯ୍ୟନ୍ତ ଏହି କାର୍ଯ୍ୟ ବନ୍ଦ ଆନ୍ଦୋଳନ ଚାଲିବ ବୋଲି ସୂଚନା ଦିଆଯାଇଛି। ସୂଚନା ଅନୁଯାୟୀ ଛତ୍ରପୁର, ରମ୍ଭା ସେକ୍ସନ, ଗଞ୍ଜାମ ସେକ୍ସନ, ମାଲୁଦ ସେକ୍ସନ ଓ ୩୩ କେଭି ଜିଏନଇଡି ସେକ୍ସନର ୩୦୦ରୁ ଊଦ୍ଧର୍ବ ଠିକା କର୍ମଚାରୀ ଜି.ଭି. ଇଲେକ୍ଟ୍ରିକାଲ କମ୍ପାନୀ ସଂସ୍ଥା ଅଧୀନରେ କାର୍ଯ୍ୟ କରିଆସୁଥିଲେ। ଗତ ୩୦ ତାରିଖରେ ସେମାନଙ୍କ କାର୍ଯ୍ୟକାଳ ଶେଷ ହୋଇଛି। ତେବେ ଆଗକୁ କାମ କଲେ କମ୍ପାନୀ କୌଣସି ଦାୟୀ ନୁହଁ ବୋଲି ସୁପରଭାଇଜର କର୍ମଚାରୀଙ୍କୁ ଚେତାଇ ଦେଇଛନ୍ତି।
