ବେଆଇନ ଶିନ୍ଦେ ସରକାରଙ୍କ ଆଦେଶ ମାନୁଥିବା ଅଧିକାରୀଙ୍କ ବିରୋଧରେ ହେବ ଦୃଢ଼ କାର୍ଯ୍ୟାନୁଷ୍ଠାନ: ସଞ୍ଜୟ ରାଉତ…

ମୁମ୍ବାଇ,୧୫।୫ : ଶିବସେନା (ଉଦ୍ଧବ ଠାକରେ) ନେତା ସଞ୍ଜୟ ରାଉତ କହିଛନ୍ତି, ମହାରାଷ୍ଟ୍ରରେ ବର୍ତ୍ତମାନର ସରକାର ବେଆଇନ ଏବଂ ଆସନ୍ତା ଦିନରେ ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ସରକାରଙ୍କ ନିର୍ଦ୍ଦେଶ ପାଳନ କରୁଥିବା ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସଞ୍ଜୟ ରାଉତଙ୍କ ଏହି ବିବୃତ୍ତି ତାଙ୍କ ବିରୋଧରେ ମାମଲା ରୁଜୁ ହେବା ପରେ ଆସିଛି। ସରକାର ଏବଂ ଲୋକଙ୍କ ମଧ୍ୟରେ ଅସହଯୋଗ ବୃଦ୍ଧି ପାଇଁ ରାଉତଙ୍କ ବିରୋଧରେ ଏକ ମାମଲା ରୁଜୁ ହୋଇଛି।

ସଞ୍ଜୟ ରାଉତ କହିଛନ୍ତି, ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ମୁଁ ଭାବୁଛି ଏହି ସରକାର ବେଆଇନ ଏବଂ ଯଦି ା କୌଣସି ସରକାରୀ ଅଧିକାରୀ ଏହି ସରକାରଙ୍କ ଆଦେଶ ପାଳନ କରନ୍ତି ତେବେ ଏହା ବେଆଇନ ହେବ। ଆଗାମୀ ଦିନରେ ଏଭଳି ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ।

ଆଇପିସିର ଧାରା ୫୦୫ (୧) (ଖ) ଅନୁଯାୟୀ ମୁମ୍ବାଇର ନାକା ପୋଲିସ ଷ୍ଟେଶନରେ ସଞ୍ଜୟ ରାଉତଙ୍କ ବିରୋଧରେ ଏକ ମାମଲା ରୁଜୁ ହୋଇଛି। ପୋଲିସ ଏବଂ ଜନସାଧାରଣଙ୍କ ମଧ୍ୟରେ ମତଭେଦ ବୃଦ୍ଧି ଅଭିଯୋଗରେ ରାଉତଙ୍କ ବିରୋଧରେ ଏହି ଏଫଆଇଆର୍‌ ପଞ୍ଜିକୃତ ହୋଇଛି।