ନୂଆଦିଲ୍ଲୀ,୧୩।୯ : ଭାରତୀୟ ବାୟୁସେନା କ୍ରମାଗତ ଭାବରେ ଏହାର ବିମାନ ସଂଖ୍ୟା ବୃଦ୍ଧି କରୁଛି। ଏଥି ସହିତ ସ୍ବଦେଶୀ ବିମାନ ଉପରେ ବାୟୁସେନା ଗୁରୁତ୍ୱାରୋପ କରୁଛି। ତେବେ, ଏହି ସମୟରେ, ପ୍ରଥମ ସି-୨୯୫ ସାମରିକ ବିମାନ ସ୍ପେନରୁ ଶୀଘ୍ର ଭାରତ ଆସିବାକୁ ଯାଉଛି । ଗତ ବର୍ଷ ସେପ୍ଟେମ୍ବରରେ ଭାରତ ଏୟାରବସ ପ୍ରତିରକ୍ଷା ଏବଂ ମହାକାଶ ୫୬ ଟି ସି-୨୯୫ ବିମାନ ପାଇଁ ଏକ ଚୁକ୍ତି କରିଥିଲା, ଯାହା ଆଭ୍ରୋ -୭୪୮ ବିମାନର ସ୍ଥାନ ନେବ। ଏୟାରବସ ଡିଫେନ୍ସ ଏବଂ ସ୍ପେସ ବୁଧବାର ପ୍ରଥମ ସି-୨୯୫ ପରିବହନ ବିମାନକୁ ଭାରତୀୟ ବାୟୁସେନାକୁ ହସ୍ତାନ୍ତର କରିଛି।
ପ୍ରତିରକ୍ଷା ମନ୍ତ୍ରଣାଳୟ ଏବଂ ସ୍ପେନର ଏୟାରବସ ପ୍ରତିରକ୍ଷା ଏବଂ ମହାକାଶ କମ୍ପାନୀ ସେପ୍ଟେମ୍ବର ୨୦୨୧ ରେ ଭାରତୀୟ ବାୟୁସେନା ପାଇଁ ୫୬ଟି ସି-୨୯୫ ବିମାନ ଉତ୍ପାଦନ ପାଇଁ ଏକ ଚୁକ୍ତିନାମା ସ୍ବାକ୍ଷର କରିଥିଲେ।
ଆଜି ଏୟାର ଷ୍ଟାଫ ଏୟାର ଚିଫ ମାର୍ଶଲ ଭି.ଆର ଚୌଧରୀ ସ୍ପେନର ସେଭିଲରେ ଏୟାରବସ ଦ୍ୱାରା ନିର୍ମିତ ପ୍ରଥମ ସି-୨୯୫ ପରିବହନ ବିମାନ ଗ୍ରହଣ କରିଛନ୍ତି। ଭାରତୀୟ ବାୟୁସେନା ଏହିପରି ୫୬ ବିମାନ ପାଇଁ ଚୁକ୍ତି ସ୍ବାକ୍ଷର କରିଛି। ସେଥିମଧ୍ୟରୁ ୧୬ଟି ବିମାନ ସ୍ପେନରେ ତିଆରି ହେବ। ଗୁଜରାଟର ବଡୋଦରାଠାରେ ୪୦ଟି ବିମାନ ଉତ୍ପାଦନ ହେବ।
ସେପ୍ଟେମ୍ବର ୨୫ ରେ ଉତ୍ତରପ୍ରଦେଶର ଗାଜିଆବାଦର ହିଣ୍ଡନ ଏୟାରବେସରେ ଏହି ବିମାନ ଅବତରଣ କରିବ ବୋଲି ଆଶା କରାଯାଉଛି। ଭାରତ ଏହି ଚୁକ୍ତି ୨୧ ହଜାର କୋଟି ଟଙ୍କାରେ କରିଥିଲା। ଚୁକ୍ତିନାମା ଅନୁଯାୟୀ ଚାରି ବର୍ଷ ମଧ୍ୟରେ ୧୬ ଟି ବିମାନ ବିତରଣ କରାଯିବ ।