କାକଟସ୍ ସାଧାରଣତଃ କଣ୍ଟା ଜାତୀୟ ଓ ଦେଖିବାକୁ ଖୁବ୍ ଆକର୍ଷଣୀୟ । କେବଳ ବଗିଚା ନୁହେଁ ଏହାକୁ ଘର ଭିତରେ ମଧ୍ୟ ଲଗାଯାଇଥାଏ। ତେବେ ଏମିତି କିଛି କାକଟସ୍ ଅଛି, ଯାହାକୁ ଦେଖିଲେ ଆଦୌ ଲାଗିବ ନାହିଁ ଯେ, ଏହା କାକ୍ଟସ୍ ବୋଲି…
ପେରୁଭିଆନ୍ ଓଲ୍ଡ ଲେଡି କାକ୍ଟସ୍ : ଏହା ଏକ ପ୍ରକାର ଲୋମଶ କାକ୍ଟସ୍ ସାଧାରଣତଃ ପାହାଡିଆ ଉଚ୍ଚ ଜଙ୍ଗଲରେ ଦେଖିବାକୁ ମିଳେ । ଏହା ପ୍ରାୟ ୧୦ଇଞ୍ଚ ପଯ୍ୟନ୍ତ ବଢିଥାଏ ଓ ବାହାର ଅଂଶରେ ଥିବା ଲୋମ ପରି ଜାଲ ଯୋଗୁ ଏହାର କଣ୍ଟା ଲୁଚି ଯାଇଥାଏ । ଏହି ଜାତୀୟ କାକ୍ଟସ୍ କୁଣ୍ଡରେ ଭଲ ବଢିଥାଏ । ପାଣି ଡ୍ରେନ୍ ହୋଇ ପାରୁଥିବା ଉତ୍ତମ ମାଟି ଓ ପ୍ରଚୁର ସୂର୍ଯ୍ୟକିରଣରେ ଏହା ଭଲ ବଢିଥାଏ । ଶୀତ ଦିନରେ ଅଳ୍ପ ପାଣିରେ ବଞ୍ଚତ୍ପାରେ ।
ପାଇସ୍ ଫ୍ରମ୍ ହେଭେନ୍ : ଏହି ଅଜବ ଫୁଲ ଆକାରର ଦିଶୁଥିବା କାକ୍ଟସ୍ ମାଡାଗାସ୍କାର ଜାତୀୟ ତୃଣ । ଏହା ୧୨ ଇଞ୍ଚ ପଯର୍ୟନ୍ତ ବଢିଥାଏ । ଏହାର ପତ୍ର ଅଳ୍ପ ଲୋମଶ ହୋଇଥିବାରୁ ଏହା ରୂପେଲି, ସବୁଜ ଓ ମାଟିଆ ରଙ୍ଗରେ ଚିତ୍ର ଭଳି ଦେଖାଯାଏ। ଏହି କାକ୍ଟସ୍ରେ ହାଲ୍କା ସବୁଜ-ହଳଦିଆ ରଙ୍ଗ ମିଶ୍ରିତ ଫୁଲ ଫୁଟିଥାଏ । ଏହି କାକ୍ଟସ୍କୁ ଉଭୟ ଘରେ ଓ ବାହାରେ ସଜାଇ ରଖିହେବ । କିନ୍ତୁ ଏହା ଥଣ୍ଡା ସହିବା ଗଛ ନୁହେଁ, ସେଥିପାଇଁ ଟାଣ ଖରା ପଡୁଥିବା ସ୍ଥାନରେ ରଖିଲେ ଏହା ଅଧିକ ଦିନ ଯାଏ ସତେଜ ରହେ ଏବଂ ଘର ଭିତରେ ସୂର୍ଯ୍ୟକିରଣ ପଡୁଥିବା ସ୍ଥାନ ବା ଉଷ୍ଣ ବାତାବରଣରେ ରଖିହେବ । ଏହା ମଧ୍ୟ ସ୍ବଳ୍ପ ପାଣିରେ ବଞ୍ଚିପାରେ ।
ମିଙ୍ଗ୍ ଥିଙ୍ଗ୍ : ଦକ୍ଷିଣ ଆମେରିକାରେ ଏକ ପ୍ରକାର ମୋଡିମୋଡି ହୋଇଥିବା ଭଳି କାକ୍ଟସ୍ ଦେଖିବାକୁ ମିଳେ । ମିଙ୍ଗ୍ ଥିଙ୍ଗ କାକ୍ଟସ୍ ନୀଳ-ସବୁଜ ରଙ୍ଗର ହୋଇଥାଏ ଏବଂ ଏହା ୧୨ ଇଞ୍ଚ ବିଶିଷ୍ଟ । ଏଥିରେ ଛୋଟ ଛୋଟ କଳା ରଙ୍ଗର କଣ୍ଟା ଥାଏ। ଏହାକୁ ବେଶି ଘର ଭିତରେ ସଜାଯାଏ । ଏହି ଜାତୀୟ କାକ୍ଟସ୍ ବହୁତ ବଢିଥାଏ ଓ ଏହା ଟାଣ ସୂର୍ଯ୍ୟ ରଶ୍ମିରେ ବଞ୍ଚେ ।
କ୍ରାସୁଲା ବେବି ନେକ୍ଲେସ୍ : ବେବି ନେକଲେସ୍ କାକ୍ଟସ୍ ଏକ ହାଇବ୍ରିଡ୍ ମାଇରନ୍ କିମ୍ନାଚ ଜାତୀୟ କାକ୍ଟସ୍ । ଏହାର ପତ୍ରଗୁଡିକ ଛୋଟ, ହାଲ୍କା ଓ ନଡା ଆକାରର କାଣ୍ଡ ପରି ଏବଂ ଏହା ଦେଖିବାକୁ ମାଳିରେ ଗୁନ୍ଥା ହୋଇଥିବା ନେକ୍ଲେସ୍ ପରି। ଏହା ପ୍ରାୟ ୧୨ ଇଞ୍ଚ ଯାଏ ବଢେ । ବସନ୍ତ ଋତୁ ଶେଷ ଓ ଗ୍ରୀଷ୍ମ ଆରମ୍ଭ ସମୟରେ ଏଥିରେ ଫୁଲ ଆସିଥାଏ । ଏହାର ଅଧିକ ଯତ୍ନ ନେବାକୁ ପଡେ ନାହିଁ । କିନ୍ତୁ ଏହା ଅଧିକ ସୂର୍ଯ୍ୟାଲୋକ ଆବଶ୍ୟକ କରିଥାଏ ।
ମୌନା ଲୋଆ : ଏହା ଦେଖିବାକୁ ଏକଦମ୍ ଗୋଲାପ ଫୁଲ ପରି । ପତ୍ରଗୁଡିକ ଭିତର ଆଡୁ ସବୁଜ ହୋଇ ଶେଷ ଆଡକୁ ନାଲି ରଙ୍ଗର ଢେଉ ଆକାରର । ଏହାକୁ ଦେଖିଲେ କେହି କାକ୍ଟସ୍ ବୋଲି ବିଶ୍ୱାସ କରିପାରିବେ ନାହିଁ । ଏହା ଏଚେଭେରୀଆଲ୍ କଲଟିଭର ଜାତୀୟ କାକ୍ଟସ୍ । ଏହା ଅନ୍ୟ କାକ୍ଟସ୍ ତୁଳନାରେ ବହୁତ ଭିନ୍ନ । ଏହା ବଞ୍ଚତ୍ବା ପାଇଁ ଅଧିକ ପାଣି ଆବଶ୍ୟକ କରିଥାଏ ।
ବେସ୍ ବଲ କାକ୍ଟସ୍ ପ୍ଲାଣ୍ଟ : ବଲ୍ ପରି ଦିଶୁଥିବା ଏହି କାକ୍ଟସ୍ ୟୁଫୋରବିଆ ଓବେସା ଜାତୀୟ କାକ୍ଟସ୍, ଯାହା ଦେଖିବାକୁ ମାଟିଆ ଓ ସବୁଜ ରଙ୍ଗର ଏବଂ ଏଥିରେ କମଳା ଓ ବାଇଗଣୀ ରଙ୍ଗର ଦାଗ ରହିଥାଏ । ଏହି କାକ୍ଟସ୍ର ଉଚ୍ଚତା ୮ ଇଞ୍ଚ ହୋଇଥିବା ବେଳେ ମୋଟେଇ ୩.୫ ଇଞ୍ଚ ଥାଏ । ଏହା ଅଧିକ ପାଣି ଓ ସୂର୍ଯ୍ୟକିରଣ ଆବଶ୍ୟକ କରେ । ଏଥିରେ ସବୁଜ-ହଳଦିଆ ରଙ୍ଗ ମିଶ୍ରଣର ଫୁଲ ଫୁଟିଥାଏ ।
ଲିଭିଙ୍ଗ ଷ୍ଟୋନ୍ : ଲିଭିଙ୍ଗ ଷ୍ଟୋନ୍ କାକ୍ଟସ୍ ସାଧାରଣତଃ ଦକ୍ଷିଣ ଆଫିକାରେ ଦେଖିବାକୁ ମିଳେ । ଏହା ଉଭୟ ଲମ୍ବା ଓ ମୋଟେଇରେ ୩ ଇଞ୍ଚ ଯାଏ ବଢିଥାଏ । ଏହି କାକ୍ଟସ୍ ବିଭିନ୍ନ ରଙ୍ଗର ଦେଖିବାକୁ ମିଳେ । ଏହା ଏକଦମ୍ ଛୋଟ ଛୋଟ ପଥର ଆକାରର ହୋଇଥାଏ । ଶରତ ଋତୁ ସମୟରେ ଏଥିରେ ବଡ ବଡ ଧଳା ରଙ୍ଗର ଫୁଲ ଫୁଟେ । ଏହାର ବହୁତ ଯତ୍ନ ନେବାକୁ ପଡେ ।
କ୍ରଲିଙ୍ଗ ଅକ୍ଟୋପସ୍ ବା ଭ୍ୟାନ୍ ବାଲେନ୍ ଅଲି : ଏହା ଗାଢ ଲାଲ୍ ଓ କମଳା ରଙ୍ଗ ପତ୍ର ବିଶିଷ୍ଟ କାକ୍ଟସ୍ ଅଟେ । ପ୍ରଥମେ ଏହା ସବୁଜ ରଙ୍ଗର ହୋଇଥାଏ। କିନ୍ତୁ ଧୀରେ ଧୀରେ କମଳା ଓ ପରେ ନାଲି ରଙ୍ଗର ହୋଇଥାଏ । ଏହା ଅଧିକ ସୂଯର୍ୟାଲୋକ ଆବଶ୍ୟକ କରେ । ଏହାର ପତ୍ରଗୁଡିକ ଅକ୍ଟୋପସ୍ର ଗୋଡ ପରି ବାହାରି ଥାଏ; ଯାହା ୩ ରୁ ୪ ଇଞ୍ଚ ଯାଏ ବଢିଥାଏ ା ଏହା ମାଟି ଓ ଟାଣ ଖରାରେ ବଢିଥାଏ ।
