ସିଡନୀ,୮।୧: ଅଷ୍ଟ୍ରେଲିଆର ତାରକା ବ୍ୟାଟ୍ସମ୍ୟାନ ଷ୍ଟିଭ ସ୍ମିଥ ତାଙ୍କର ୨୭ତମ ଟେଷ୍ଟ ଶତକ ହାସଲ କରି ଫର୍ମକୁ ଫେରିଛନ୍ତି। ସିଡନୀ କ୍ରିକେଟ ଗ୍ରାଉଣ୍ଡରେ ଖେଳାଯାଉଥିବା ତୃତୀୟ ଟେଷ୍ଟ ମ୍ୟାଚରେ ଷ୍ଟିଭ ସ୍ମିଥ ପ୍ରଥମ ଇନିଂସରେ ଚମତ୍କାର ଶତକ ହାସଲ କରି ଫର୍ମକୁ ଫେରିଛନ୍ତି। ଷ୍ଟିଭ ସ୍ମିଥ ତାଙ୍କର ୨୭ ତମ ଟେଷ୍ଟ ଶତକ ମାରଛନ୍ତି। ସ୍ମିଥ ୧୪ଇନିଂସ ପରେ ଟେଷ୍ଟରେ ଶତକ ହାସଲ କରିଛନ୍ତି। ଏହାପୂର୍ବରୁ ସେ ସେପ୍ଟେମ୍ବର ୪ ୨୦୧୯ରେ ଇଂଲଣ୍ଡ ବିପକ୍ଷରେ ମଞ୍ଚେଷ୍ଟରରେ ୨୧୧ ରନ ସ୍କୋର କରିଥିଲେ। ଡନ ବ୍ରାଡମ୍ୟାନଙ୍କ ପରେ ଷ୍ଟିଭ ସ୍ମିଥ ଦ୍ରୁତତମ ୨୭ ଟେଷ୍ଟ ଶତକ ହାସଲ କରିଛନ୍ତି। ଡନ ବ୍ରାଡମ୍ୟାନ ୭୦ ଇନିଂସରେ ଦ୍ରୁତତମ ୨୭ ଟେଷ୍ଟ ଶତକ ହାସଲ କରିଥିଲେ। ଏହି ପରିପ୍ରେକ୍ଷୀରେ ସ୍ମିଥ ସଚିନ ଏବଂ କୋହଲିଙ୍କୁ ମଧ୍ୟ ପଛରେ ପକାଇଛନ୍ତି। ସଚିନ ଏବଂ କୋହଲି ୧୪୧ ଇନିଂସରେ ଏହି ରେକର୍ଡ ସ୍ଥାପନ କରିଛନ୍ତି। ଭାରତ ବିପକ୍ଷ ଚାରି ମ୍ୟାଚ ବିଶିଷ୍ଟ ସିରିଜର ପ୍ରଥମ ଦୁଇଟି ଟେଷ୍ଟରେ ଷ୍ଟିଭ ସ୍ମିଥ ବିଫଳ ଥିଲେ। ଟିମ ଇଣ୍ଡିଆ ବିପକ୍ଷ ପ୍ରଥମ ଟେଷ୍ଟରେ ଷ୍ଟିଭ ସ୍ମିଥ ୧ ଓ ଅପରାଜିତ ୧ ସ୍କୋର କରିଥିଲେ। ଏଥି ସହିତ ମେଲବୋନର୍ର୍ରେ ଖେଳାଯାଇଥିବା ଦ୍ୱିତୀୟ ଟେଷ୍ଟ ମ୍ୟାଚରେ ୦ ଏବଂ ୮ ରନ ଖେଲିଥିଲି। ଏହିପରି, ଷ୍ଟିଭ ସ୍ମିଥ ଦୁଇଟି ଟେଷ୍ଟର ଚାରି ଇନିଂସରେ ମୋଟ ୧୦ ରନ କରିଥିଲେ। ସ୍ମିଥଙ୍କ ବ୍ୟାଟ ପୂର୍ବରୁ ଏତେ ଚୁପ ହୋଇ ନ ଥିଲା।
ଭାରତ ବନାମ ଅଷ୍ଟ୍ରେଲିଆ
ଟେଷ୍ଟ କ୍ରିକେଟରେ ୨୭ ଶତକ ହାସଲ କରିବାରେ ଦ୍ରୁତତମ ବ୍ୟାଟ୍ସମ୍ୟାନ
ଡନ ବ୍ରାଡମ୍ୟାନ – ୭୦
ଷ୍ଟିଭ ସ୍ମିଥ -୧୩୬
ବିରାଟ କୋହଲି – ୧୪୧
ସଚିନ ତେନ୍ଦୁଲକର – ୧୪୧
ସୁନୀଲ ଗାଭାସ୍କର – ୧୫୪
ମାଥ୍ୟୁ ହେଡେନ – ୧୫୭
