ନୂଆଦିଲ୍ଲୀ,୨ ।୩: କରୋନା ମହାମାରୀକୁ ଦୂରେଇ ଦେବାକୂ ଏବେ ସାରା ଦେଶରେ ଦ୍ୱିତୀୟ ପର୍ଯ୍ୟାୟ ଟିକାକରଣ ଆରମ୍ଭ ହୋଇଯାଇଛି । ହେଲେ ଏହା ସରକାରୀ ହସ୍ପିଟାଲରେ ମାଗଣାରେ ମିଳୁଥିବା ବେଳେ ବେସରକାୀ ହସ୍ପିଟାଲରେ ଗୋଟିଏ ଡୋଜକୁ ପ୍ରାୟ ୨୫୦ ଟଙ୍କା ଦେବାକୁ ପଡୁଛି । ଗୋଟିଏ ଦିନ ପୂର୍ବରୁ କିନ୍ତୁ ବିହାର ସରକାର ସମସ୍ତ ରାଜ୍ୟବସୀଙ୍କୁ ମାଗଣାରେ ଟିକା ଯୋଗାଇ ଦେବେ ବୋଲି କହିଛନ୍ତି । ଏହାପରେ ଆଲୋଚନା ହେଉଛି କି ସବୁ ରାଜ୍ୟ ସରକାର ଚାହିଁଲେ ଲୋକଙ୍କୁ ମାଗଣାରେ ଟିକା ଦେଇପାରିବେ । ଯେଉଁଥିରେ କେନ୍ଦ୍ର ସରକାରଙ୍କର କୌଣସି ଆପତ୍ତି ନାହିଁ । ତେବେ ଏଥିଲାଗି ରାଜ୍ୟ ସରକାର ପ୍ରତି ଡୋଜ ପାଇଁ କେନ୍ଦ୍ର ସରକାରଙ୍କୁ ୧୫୦ ଟଙ୍କା ଦେବାକୁ ପଡିବ । ସୂଚନାଯୋଗ୍ୟ, ବେସରକାରୀ ହସ୍ପିଟାଲରେ ଯେଉଁ କରୋନା ଟିକା ୨୫୦ ଟଙ୍କାରେ ମିଳୁଛି ସେଥିରେ ୧୦୦ଟଙ୍କା ହସ୍ପିଟାଲ ରଖୁଥିବା ବେଳେ ବାକି ୧୫୦ ଟଙ୍କା କେନ୍ଦ୍ର ସରକାରଙ୍କ ନିକଟକୁ ପଠାଇ ଦିାଯାଉଛି । ଆଉ ଏହା ଟିକା ନିର୍ମାତା କମ୍ପାନୀକୁ ଯୋଗାଇ ଦିଆଯାଉଛି । ତେବେ ସରକାରୀ ହସ୍ପିଟାଲକୁ କେନ୍ଦ୍ର ସରକାର ମାଗଣାରେ ଟିକା ଦେଉଥିବା ବେଳେ ବେସରକାରୀ ହସ୍ପିଟାଲର ଖର୍ଚ୍ଚ ରାଜ୍ୟ ସରକାର ଉଠାଇ ପାରିବେ ବୋଲି କୁହାଯାଉଛି ।
