ବଲାଙ୍ଗୀର, ୨୯ା୧୧(ବୀରେନ୍ଦ୍ର କୁମାର ଝାଙ୍କର): ବଲାଙ୍ଗୀର ପୃଥ୍ବୀରାଜ ହାଇସ୍କୁଲ ଇନଡୋର ଷ୍ଟାଡିୟମଠାରେ ଚାଲିଥିବା ଓଡ଼ିଶା ରାଜ୍ୟ ସିନିୟର ବ୍ୟାଡମିଣ୍ଟନ ଚାମ୍ପିୟନଶିପ୍ର ଦ୍ୱିତୀୟ ଦିନ ମଙ୍ଗଳବାର ଅନୁଷ୍ଠିତ ମ୍ୟାଚରେ ରାଜ୍ୟର ପ୍ରାୟତଃ ସମସ୍ତ ମାନ୍ୟତାପ୍ରାପ୍ତ ଖେଳାଳି ନିଜ ପ୍ରତିଦ୍ୱନ୍ଦ୍ୱୀଙ୍କଠାରୁ ବିଜୟୀ ହୋଇ ପରବର୍ତ୍ତୀ ରାଉଣ୍ଡକୁ ଉନ୍ନୀତ ହୋଇଛନ୍ତି ା ପୁରୁଷ ସିଙ୍ଗଲ୍ସ ରାଉଣ୍ଡ ୧୬ରେ ବଲାଙ୍ଗୀରର ଅରବିନ୍ଦ ସାହୁ ୨୧-୧୧ ଓ ୨୧-୧୮ ସେଟ୍ରେ ଭୁବନେଶ୍ୱରର ପ୍ରତିଦ୍ୱନ୍ଦ୍ୱୀଙ୍କଠାରୁ ବିଜୟୀ ହୋଇଥିଲେ। ବାଲେଶ୍ୱରର ଆରିଆ ମାଝି ସୁନ୍ଦରଗଡ଼ର ଅଙ୍କିତ ମହନ୍ତଙ୍କୁ ୨୧-୧୧ ଓ ୨୧-୭ ସେଟ୍ରେ, ଭୁବନେଶ୍ୱରର ପାରସ ମାଥୁର ଭଦ୍ରକର ଅଂଶୁମାନ ମହାଲିକଙ୍କୁ ୨୧-୧୦ ଓ ୨୧-୧୪ ସେଟ୍ରେ, ସମ୍ବଲପୁରର ତହସିଫ ଖାନ କଟକର ଆୟାଂଶୁ ପରିଡ଼ାଙ୍କୁ ୨୧-୧୮ଓ ୨୧-୯ ସେଟ୍ରେ ପରାସ୍ତ କରି ପରବର୍ତ୍ତୀ ରାଉଣ୍ଡକୁ ଉନ୍ନୀତ ହୋଇଛନ୍ତି ା ମହିଳା ସିଙ୍ଗଲ୍ସରେ କଳାହାଣ୍ଡିର ବିଶାଖା ନାଏକ କଟକର ଅନିଶା ମିଶ୍ରଙ୍କୁ ୨୧-୧୫ ଓ ୨୧-୧୧ ସେଟ୍ରେ ହରାଇଥିଲେ। କୋରାପୁଟର ରାଜେଶ୍ୱରୀ ଖୋରା ବାଲେଶ୍ୱରର ମୋନାଲିନା ମହାରାଣାଙ୍କୁ ୨୧-୬ ଓ ୨୧-୭, ସମ୍ବଲପୁରର ଶ୍ରେୟା ବିଶ୍ୱାଳ ଖୋର୍ଦ୍ଧାର ଅର୍ପିତା ସାହୁଙ୍କୁ ୨୧-୧୩ ଓ ୨୧-୧୨ , ବାଲେଶ୍ୱରର ଶ୍ୱେତାଙ୍ଗୀ ହୋତା ବଲାଙ୍ଗୀରରର ସମ୍ପଦା ମହାନ୍ତିଙ୍କୁ ୨୧-୧୧ ଓ ୨୧-୯ ପଏଣ୍ଟରେ ପରାଜିତ କରି ପରବର୍ତ୍ତୀ ରାଉଣ୍ଡକୁ ଉନ୍ନୀତ ହୋଇଛନ୍ତି। ମଙ୍ଗଳବାର ସନ୍ଧ୍ୟା ସୁଦ୍ଧା ମହିଳା ସିଙ୍ଗଲ୍ସ, ପୁରୁଷ ସିଙ୍ଗଲ୍ସ, ମହିଳା ଡବଲ୍ସ, ପୁରୁଷ ଡବଲ୍ସ ଓ ମିକ୍ସଡ ଡବଲ୍ସର ସମସ୍ତ ସେମିଫାଇନାଲ ଖେଳ ଚୂଡ଼ାନ୍ତ ହୋଇଛି। ବୁଧବାର ଫାଇନାଲ ଖେଳ ଅନୁଷ୍ଠିତ ହେବ ବୋଲି ରାଜ୍ୟ ଚାମ୍ପିୟନଶିପ୍ ସାଙ୍ଗଠନିକ ସମ୍ପାଦକ ସୁରୁଲାଲ ମଟାରୀ ସୂଚନା ଦେଇଛନ୍ତି।
