ଜୟପୁର,୧୮ା୭(ନି.ପ୍ର.): ଜାତୀୟ ସ୍ତରର ବିଭିନ୍ନ ପ୍ରତିଯୋଗିତାରେ ଓଡ଼ିଆ ଝିଅପୁଅଙ୍କ ଅଂଶଗ୍ରହଣ କିଛି କମ୍ ନୁହେଁ। ନିକଟରେ ଜିରୋନ ପ୍ରଡକ୍ସନ ହାଉସ ପ୍ରସ୍ତୁତ ମିଷ୍ଟର ଏବଂ ମିସ୍ ଇଣ୍ଡିଆ-୨୦୨୦ର ସିଜନ-୨ ପ୍ରତିଯୋଗିତାର ସେମି ଫାଇନାଲକୁ ଉନ୍ନୀତ ହୋଇଥିଲେ କୋରାପୁଟ ଜିଲାର ଦୀପ୍ତିରାଣୀ। ଏବେ ସେହି ସଂସ୍ଥାର ମିଷ୍ଟର ଇଣ୍ଡିଆ ପ୍ରତିଯୋଗିତାରେ ସଫଳତା ସାଉଁଟିଛନ୍ତି କୋରାପୁଟ ଜିଲା ବୋରିଗୁମ୍ମା ବ୍ଲକର ଶ୍ରୀଧର ମହାପାତ୍ର। ତାଙ୍କ ସଫଳତା ଜିଲା ପାଇଁ ପୁଣି ଏକ ଖୁସି ଖବର ଆଣିଦେଇଛି। ବୋରିଗୁମ୍ମା ବ୍ଲକ ପୋଡାପଦର ଗ୍ରାମର ଲୋକନାଥ ମହାପାତ୍ରଙ୍କ ପୁଅ ଶ୍ରୀଧର ଜିରୋନ ପ୍ରଡକ୍ସନର ମିଷ୍ଟର ଇଣ୍ଡିଆ ପ୍ରତିଯୋଗିତାରେ ସାମିଲ ହେବାପାଇଁ ଅନଲାଇନ ମାଧ୍ୟମରେ ପଞ୍ଜୀକରଣ କରିଥିଲେ। ଶତାଧିକ ପ୍ରତିଯୋଗୀଙ୍କୁ ପଛରେ ପକାଇ ପ୍ରଥମ, ଦ୍ୱିତୀୟ ଓ ତୃତୀୟ ରାଉଣ୍ଡକୁ ଉନ୍ନୀତ
ହୋଇ ଏବେ ସେମି ଫାଇନାଲରେ ପହଞ୍ଚତ୍ଛନ୍ତି ଶ୍ରୀଧର। ଅଭିନୟ ଓ ମଡେଲିଂ କ୍ଷେତ୍ରରେ ରୁଚି ରଖିଥିବା ଶ୍ରୀଧର ଜାତୀୟ ସ୍ତରର ପ୍ରତିଯୋଗିତାରେ ସାମିଲ ପାଇଁ ପିଲାଦିନରୁ ଇଛା ରଖିଥିବା କହିଛନ୍ତି। ତାଙ୍କୁ ମିଳିଥିବା ଏହି ସୁଯୋଗକୁ ସମ୍ପୂର୍ଣ୍ଣ ଉପଯୋଗ କରି ଆଗାମୀ ଦିନରେ ଜିଲା ଓ ରାଜ୍ୟ ପାଇଁ ଗୌରବ ଆଣିବେ ଏହି ଆଶା ରଖିଛନ୍ତି ସେ।
