ମୁମ୍ବାଇ:ବଲିଉଡର ଭେଟେରାନ ଲେଡି ସୁପରଷ୍ଟାର ଭାବେ ଜଣାଶୁଣା ଶ୍ରୀଦେବୀଙ୍କ ପ୍ରେମ କାହାଣୀ କୌଣସି ଏକ ଫିଲ୍ମ କାହାଣୀ ଠାରୁ କମ୍ ନୁହେଁ। ଜୁନ୍ ୨ ୧୯୯୬ରେ, ସେ ବୋନି କପୁରଙ୍କୁ ବିବାହ କରିଥିଲେ। ତେବେ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ, ବିବାହ ପୂର୍ବରୁ ବୋନିଙ୍କୁ ଶ୍ରୀଦେବୀ ରାକ୍ଷୀ ବାନ୍ଧିଥିଲେ। ଏହା ବ୍ୟତୀତ ବିବାହ ପୂର୍ବରୁ ଦୁଇ ଫିଲ୍ମ ଷ୍ଟାର୍ଙ୍କ ସହ ତାଙ୍କର ଆଫେଆର୍ ଥିଲା।
ଯେତେବେଳେ ଶ୍ରୀଙ୍କ ଆଫେଆର ବିଷୟରେ ଆଲୋଚନା ହୁଏ ପ୍ରଥମେ ମିଥୁନ ଚର୍କବର୍ତ୍ତୀଙ୍କ ନାଁ ନିଆଯାଏ। ସେତେବେଳେ ଗଣମାଧ୍ୟମ ରିପୋର୍ଟରେ ଏହା ମଧ୍ୟ ଦାବି କରାଯାଇଥିଲା ଯେ, ଉଭୟେ ମନ୍ଦିରରେ ବିବାହ କରିଥିଲେ। ସେମାନଙ୍କ ସମ୍ପର୍କର ସବୁଠାରୁ ବଡ ସମସ୍ୟା ହେଲା ମିଥୁନ ଦା ସେହି ସମୟରେ ବିବାହିତ ଥିଲେ। ବିବାହିତ ଥାଇ ମଧ୍ୟ ମିଥୁନ ଦା ଶ୍ରୀଙ୍କୁ ବିବାହ କରିବାକୁ ଚାହୁଁଥିଲେ। ଉଭୟ ଦୀର୍ଘଦିନ ଧରି ପରସ୍ପରକୁ ଡେଟିଂ କରୁଥିଲେ। ଯାହାକୁ ମିଥୁନଙ୍କ ସ୍ତ୍ରୀ ୟୋଗିତା ବାଲି ଜାଣିବାକୁ ପାଇଥିଲେ। କୁହାଯାଏ କି, କିଶୋର କୁମାରଙ୍କୁ ଛାଡପତ୍ର ଦେଇ ମିଥୁନଙ୍କୁ ବିବାହ କରିଥିବା ୟୋଗିତା ଏଥିପାଇଁ ଆତ୍ମହତ୍ୟା କରିବାକୁ ଚେଷ୍ଟା କରିଥିଲେ। ୟୋଗିତାଙ୍କ ଆତ୍ମହତ୍ୟା ଉଦ୍ୟମରେ ମିଥୁନ ଭୟଭୀତ ହୋଇପଡିଥିଲେ। ସେ ଶ୍ରୀଙ୍କ ସହ କଥାବାର୍ତ୍ତା ବନ୍ଦ କରିଦେଲେ। ପରେ ରବି କପୁର(ଜିତେନ୍ଦ୍ର)ଙ୍କ ସହ ଶ୍ରୀଙ୍କ ଆଫେଆର ଥିବା ଚର୍ଚ୍ଚା ହୋଇଥିଲା।
ଶ୍ରୀଙ୍କ ଜୀବନରେ ବୋନିଙ୍କ ଏଣ୍ଟ୍ରି କୌଣସି ଫିଲ୍ମ କାହାଣୀଠାରୁ କମ୍ ନୁହେଁ। ବୋନି ପୂର୍ବରୁ ବିବାହିତ ଥିଲେ। ତାଙ୍କ ପତ୍ନୀ ମୋନା ଶୌରୀ ଶ୍ରୀଙ୍କର ଜଣେ ଭଲ ବନ୍ଧୁ ଥିଲେ। ତେବେ ମିଥୁନଙ୍କ ସହ ଆଫେଆର ଥିବା ସମୟରେ ମିଥୁନଙ୍କୁ ନିଜ ପ୍ରେମରେ ବିଶ୍ୱାସ ଦେବା ପାଇଁ ଶ୍ରୀ ବୋନିଙ୍କୁ ରାକ୍ଷୀ ବାନ୍ଧି ଥିଲେ। ପରେ ଯେତେବେଳେ ମିଥୁନଙ୍କ ସହ ଶ୍ରୀଙ୍କ ସମ୍ପର୍କ ଭାଙ୍ଗିଥିଲା, ସେ ବୋନିଙ୍କ ନିକଟତର ହୋଇଥିଲେ। ଏହାପରେ ସେ ପ୍ରେଗ୍ନେଣ୍ଟ ଥିବା ଖବର ପ୍ରଚାର ହୋଇଗଲା। ଯେଉଁଥିପାଇଁ ବୋନି ମୋନାଙ୍କୁ ଛାଡପତ୍ର ଦେଇ ଶ୍ରୀଙ୍କୁ ବିବାହ କରିଥିଲେ।
