ନୂଆଦିଲ୍ଲୀ,୧୭।୪: ରାଜସ୍ଥାନ ରୟାଲ୍ସ ବିପକ୍ଷ ରୋମାଞ୍ଚକର ମୁକାବିଲାରେ ପରା ଜୟ ପରେ କୋଲକାତା ନାଇଟ ରାଇଡର୍ସ ଅଧିନାୟକଙ୍କ ଉପରେ ଜରିମାନା ଲାଗିଛି। ମ୍ୟାଚ୍ରେ ସ୍ଲୋ ଓଭର ରେଟ୍ ପାଇଁ ଶ୍ରେୟସ ଆୟର ୧୨ ଲକ୍ଷ ଜରିମାନା ଗଣିବେ। ତେବେ ଆଇପିଏଲ୍ ୨୦୨୪ରେ ସ୍ଲୋ ଓଭର୍ ରେଟ୍ ଲାଗି ଆୟରଙ୍କୁ ମିଶାଇ ୪ ଅଧିନାୟକ ଜରିମାନା ଦଣ୍ଡ ପାଇଛନ୍ତି।
କୋଲକାତା ଇଡେନ ଗାର୍ଡେନ ମଇଦାନରେ ଖେଳାଯାଇଥିବା ମୁକାବିଲାରେ କେକେଆର୍ ପ୍ରଥମେ ବ୍ୟାଟିଂ କରି ୨୦ ଓଭରରେ ୨୨୩ ରନ୍ କରିଥିଲା। ଏବେ ରାଜସ୍ଥାନ ସମ୍ମୁଖରେ ୨୨୪ ରନ୍ର ବିଜୟଲକ୍ଷ୍ୟ ରହିଥିଲା। ଜୋସ ବଟଲର୍ ଏକ ଶତକ ସହ ଦଳ ଟାର୍ଗେଟ ହାସଲ କରିନେଇଥିଲା। ଆଇପିଏଲ୍ ଇତିହାସରେ ଦ୍ୱିତୀୟ ଥର ଲାଗି ୨୨୪ ରନ୍ର ଟାର୍ଗେଟ କୌଣସି ଦଳ ପୂରଣ କରିଥିଲା।
ମ୍ୟାଚ୍ ଶେଷ ହେବା ପରେ ଆଇପିଏଲ୍ ପକ୍ଷରୁ ଏକ ପ୍ରେସ୍ ବିଜ୍ଞପ୍ତି ଜାରି କରାଯାଇ ଆୟର ସ୍ଳୋ ଓଭର ରେଟିଂରେ ଦୋଷୀ ବୋଲି କୁହାଯାଇଥିଲା। ଏହା ତାଙ୍କର ପ୍ରଥମ ଅପରାଧ ହୋଇଥିବାରୁ ତାଙ୍କ ଉପରେ ୧୨ ଲକ୍ଷ ଟଙ୍କାର ଜରିମାନା ଲଗାଯାଇଥିଲା।
