ନୂଆଦିଲ୍ଲୀ,୧୫।୯: ଚଳିତ ବର୍ଷ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନ (ସେପ୍ଟେମ୍ବର ୧୭) ଖାସ୍ ହେବାକୁ ଯାଉଛି। ଏହି ଦିନ ଦେଶରେ ବିଲୁପ୍ତ ୮ ଚିତାବାଘ ନାମ୍ବିଆରୁ ଭାରତ ଅଣାଯିବ। ସେମାନଙ୍କୁ ଆଣିବା ପାଇଁ ଏକ ସ୍ବତନ୍ତ୍ର ବିମାନ ନାମ୍ବିଆରେ ପହଞ୍ଚିଛି। ପ୍ରଧାନମନ୍ତ୍ରୀ ମୋଦି ଏହି ଚିତାଗୁଡ଼ିକୁ ସେପ୍ଟେମ୍ବର ୧୭ରେ ମଧ୍ୟପ୍ରଦେଶର କୁନୋ-ପାଲପୁର ଜାତୀୟ ଉଦ୍ୟାନରେ ସ୍ବାଗତ କରିବେ।
୭୦ ବର୍ଷ ପରେ ନାମ୍ବିଆରୁ ୮ଟି ଚିତା ଆଣିବାକୁ ଯାଇଥିବା ସ୍ବତନ୍ତ୍ର ବିମାନକୁ ସୁନ୍ଦର ଚିତ୍ରରେ ସଜାଯାଇଛି। ବିମାନ ଆଗରେ ବାଘର ଏକ ଚିତ୍ର ଲଗାଯାଇଛି। ନାମ୍ବିଆରେ ଥିବା ଭାରତର ହାଇକମିଶନ ଟୁଇଟ୍ ଯୋଗେ ବିମାନର ଫଟୋ ଶେୟାର କରିଛନ୍ତି। ନାମ୍ବିଆରୁ ଜୟପୁରକୁ ପ୍ରଥମ ଚିତାବାଘକୁ ଅଣାଯିବ। ଏହା ପରେ ସେହି ଦିନ ହେଲିକପ୍ଟରକୁ ମଧ୍ୟପ୍ରଦେଶର କୁନୋ-ପାଲପୁର ଜାତୀୟ ଉଦ୍ୟାନକୁ ଅଣାଯିବ।
ସୂଚନାଯୋଗ୍ୟ ଯେ, ଭାରତରେ ଚିତାବାଘ ସଂଖ୍ୟା ବଢାଇବା ପାଇଁ ଏକ ଦୀର୍ଘକାଳୀନ ଉଦ୍ୟମ ଚାଲିଛି। ଏହି କ୍ରମରେ, ୨୦୦୯ରେ କେନ୍ଦ୍ର ଓ ରାଜ୍ୟ ସରକାରଙ୍କ ସହିତ ଅନ୍ତର୍ଜାତୀୟ ଚିତା ବିଶେଷଜ୍ଞଙ୍କ ଏକ ବୈଠକ ଅନୁଷ୍ଠିତ ହୋଇଥିଲା। ୨୦୧୦ରେ, ଚିତା ପୁନରୁଦ୍ଧାର ପାଇଁ ୱାଇଲ୍ଡ ଲାଇଫ ଇନଷ୍ଟିଚ୍ୟୁଟ ଅଫ ଇଣ୍ଡିଆ ଦ୍ୱାରା ସମଗ୍ର ଭାରତରେ ୧୦ଟି ସମ୍ଭାବ୍ୟ କ୍ଷେତ୍ର ଉପରେ ଏକ ସର୍ଭେ କରାଯାଇଥିଲା। ଏହି ସମ୍ଭାବ୍ୟ ୧୦ଟି ସ୍ଥାନ ମଧ୍ୟରୁ କୁନୋ ଅଭୟାରଣ୍ୟ ସବୁଠାରୁ ଉପଯୁକ୍ତ ବୋଲି ଜଣାପଡିଛି।
