ଖଇରା, ୮।୮(ଡି.ଏନ.ଏ.): ପାରଳଖେମୁଣ୍ଡିରେ କାର୍ଯ୍ୟରତ ଏସିଏଫ ସୌମ୍ୟରଞ୍ଜନ ମହାପାତ୍ରଙ୍କ ରହସ୍ୟଜନକ ମୃତ୍ୟୁ ଘଟଣାକୁ ୨୫ଦିନ ପୂରିଲାଣି । ପୋଲିସ ତଦନ୍ତକୁ ପ୍ରଶ୍ନ ଉଠାଇଥିବା ପରିବାର ଏବେ ନ୍ୟାୟ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସ୍ବରାଷ୍ଟ୍ରମନ୍ତ୍ରୀ ଅମିତ ସାହା, କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଇମେଲ୍ ଏବଂ ଡାକ ଜରିଆରେ ଅଭିଯୋଗ କରିଛନ୍ତି। ବାପା ଅଭିରାମ ମହାପାତ୍ର ଏହା ଏକ ହତ୍ୟାକାଣ୍ଡ ବୋଲି ପତ୍ରରେ ଉଲ୍ଲେଖ କରିବା ସହ ସମ୍ପୃକ୍ତ ବ୍ୟକ୍ତିମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରି ପୁଅକୁ ନ୍ୟାୟ ଦେବା ପାଇଁ ଦାବି କରିଛନ୍ତି ।
ତାଙ୍କ ଅଭିଯୋଗ ଅନୁଯାୟୀ ଦୀର୍ଘ ୨୫ଦିନ ପରେ ବି ପୋଲିସ କେବଳ ଅନ୍ଧାରରେ ବାଡି ବୁଲାଉଛି ା ଜଣେ ହେଲେ ଅଭିଯୁକ୍ତଙ୍କୁ ଗିରଫ କରାଯାଇପାରିନାହିଁ ା ଏହା ଏକ ସୁପରିକଳ୍ପିତ ହତ୍ୟା ବୋଲି ତାଙ୍କ ପରିବାର ତରଫରୁ ଅଭିଯୋଗ କରାଯାଇ ଆସୁଥିବା ବେଳେ ଏହା ପଛରେ ପତ୍ନୀ ବିଦ୍ୟାଭାରତୀଙ୍କ ସମେତ ପାରଳାଖେମୁଣ୍ଡି ଡିଏଫ୍ଓ ସଂଗ୍ରାମ କେଶରୀ ବେହେରା, ଗୁରାଣ୍ଡି ଓଆଇସି ମମତା ପଣ୍ଡା, ରୋଷେୟା ସମ୍ପୃକ୍ତ ଥିବା ନେଇ ବିଭିନ୍ନ ସମୟରେ ଅଭିଯୋଗ କରାଯାଇଛି ା କାରଣ ୧୨ତାରିଖରେ ପୁଅ ପୋଡିଯିବା ରାତିରେ ତାଙ୍କ କ୍ୱାର୍ଟର୍ସକୁ କ୍ରାଇମସ୍ପଟ ବୋଲି ପୋଲିସ କହୁଥିବା ବେଳେ ପୋଡାର ଗନ୍ଧ ନ ଥିବା ସହ ଘରର ଅନ୍ୟ କିଛି ପୋଡି ନ ଥିଲା ା ସୌମ୍ୟଙ୍କୁ ରାସ୍ତାରୁ ହଟାଇବାକୁ ମୃତ୍ୟୁର ୧ମାସ ପୂର୍ବରୁ ଷଡଯନ୍ତ୍ର କରାଯାଇଥିବା ଅଭିଯୋଗରେ ଉଲ୍ଲେଖ କରାଯାଇଛି। ଡିଏଫଓଙ୍କୁ ଏପର୍ଯ୍ୟନ୍ତ ଚାକିରିରୁ ବହିଷ୍କାର କରାଯାଇ ନ ଥିବାରୁ ଏହା ତଦନ୍ତକୁ ପ୍ରଭାବିତ କରୁଛି। ଏହା ପୂର୍ବରୁ ପରିବାର ଲୋକେ ନ୍ୟାୟ ନ ପାଇଲେ ନବୀନନିବାସ ଆଗରେ ଆମତ୍ାହୁତି ଦେବେ ବୋଲି ଗଣମାଧ୍ୟମ ଆଗରେ ପ୍ରକାଶ କରିଛନ୍ତି।
