ନୂଆଦିଲ୍ଲୀ,୨୧।୨: ସୋନି ଇଣ୍ଡିଆର ନୂତନ କ୍ୟାମେରା ‘ଏଫ୍ଏକ୍ସ୩୦’ର ସର୍ବଭାରତୀୟ ଉନ୍ମୋଚନ ସମ୍ପର୍କରେ ଘୋଷଣା କରାଯାଇଛି। ଏପରିକି ଏହି ନୂତନ କ୍ୟାମେରା ଏଫ୍ଏକ୍ସ୩୦ ଏକ ୪କେ ସୁପର ୩୫କମ୍ପେକ୍ଟ କ୍ୟାମେରା ଭାବେ ଜଣାଶୁଣା, ଯାହା ସିନେମା ଲାଇନର ଅନେକ ବୃତ୍ତିଗତ ବୈଶିଷ୍ଟ୍ୟ ପ୍ରଦାନ କରିଥାଏ, ଯେପରିକି ଡୁଆଲ ବେସ୍ ଆଇଏସ୍ଓ, ଲଗ୍ ଶୁଟିଂ ମୋଡ୍ ଇତ୍ୟାଦି। ବିଶେଷକରି କମ୍ପାନୀର ଉକ୍ତ କ୍ୟାମେରା ୨ଟି ଭାରିଆଣ୍ଟ ଏଫ୍ଏକ୍ସ୩୦ ଓ ଏଫ୍ଏକ୍ସ୩୦ବିର ବଜାର ପ୍ରବେଶ ହୋଇଥିବା ଜଣାପଡିଛି। ଏ ସମ୍ପର୍କରେ ସୋନି ଇଣ୍ଡିଆର ଡିଜିଟାଲ୍ ଇମେଜିଂ ମୁଖ୍ୟ ମୁକେଶ ଶ୍ରୀବାସ୍ତବ କହିଛନ୍ତି, ଫିଲ୍ମ ନିର୍ମାଣରେ ପ୍ରବେଶ କରିବାକୁ ଚାହୁଁଥିବା ସମସ୍ତଙ୍କ ପାଇଁ ନୂଆ ଏଫ୍ଏକ୍ସ୩୦ ଏକ ଉତ୍ତମ ପସନ୍ଦ। ଏଭଳି ଏକ ହାଇ-ଏଣ୍ଡ କ୍ୟାମେରାର ଅନେକ ବୃତ୍ତିଗତ ଦକ୍ଷତା ରହିଛି, ଯାହା ସମସ୍ତ ସ୍ତରର ଚଳଚ୍ଚିତ୍ର ନିର୍ମାତା, ଭିଡିଓଗ୍ରାଫରଙ୍କ ପାଇଁ ବେଶ୍ ଉପଯୋଗୀ ଓ ସୁଲଭ କରିଥାଏ। ଏହା ସିନେମା ଲାଇନ ଶୃଙ୍ଖଳାର ଏକ ଚମତ୍କାର କେନ୍ଦ୍ରବିନ୍ଦୁ ବୋଲି ସେ ମତପ୍ରକାଶ କରିଛନ୍ତି।
