ଇନେଦାର,୧୧।୬: ସୋନମ ରଘୁବଂଶୀଙ୍କ ଭାଇ ଗୋବିନ୍ଦ ରଘୁବଂଶୀ ଫେରି ଆସି ସିଧା ରାଜା ରଘୁବଂଶୀଙ୍କ ଘରକୁ ଯାଇଥିଲେ। ସେ ରାଜାଙ୍କ ମାଆ ଉମାଙ୍କୁ ଭେଟି ତାଙ୍କୁ ମୁଣ୍ଡ ଲଗାଇ ପ୍ରଣାମ କଲେ। ଗୋବିନ୍ଦ କହିଲେ ଯେ ଯଦି ତାଙ୍କ ଭଉଣୀ ଦୋଷୀ ତେବେ ତାଙ୍କୁ ଫାଶୀ ଦିଆଯିବା ଉଚିତ।
ଗୋବିନ୍ଦ କହିଲେ ଯେ ରାଜ କୁଶୱାହା ଆମ ସହିତ କାମ କରୁଥିଲେ, ସେ କେବଳ ଆମର କର୍ମଚାରୀ ଥିଲେ। ତାଙ୍କ ଅନୁସାରେ, ସୋନମ ରାଜଙ୍କୁ ରାଖୀ ବାନ୍ଧୁଥିଲେ। ମଙ୍ଗଳବାର ରାତିରେ, ମୁଁ ସୋନମଙ୍କୁ ମାତ୍ର ୨ମିନିଟ ପାଇଁ ଭେଟିଥିଲି, ଆମେ ଅଧିକ କଥା ହୋଇପାରିଲୁ ନାହିଁ।
ଜିତେନ୍ଦ୍ର ରଘୁବଂଶୀଙ୍କ ନାମ ନେଇ, ଗୋବିନ୍ଦ କହିଥିଲେ ଯେ ସେ ଜଣେ ହାୱାଲା ଡିଲର ନୁହଁନ୍ତି। ସେ ମୋ ମାଉସୀଙ୍କ ପୁଅ, ସେ ଆମ ଗୋଡାଉନରେ କାମ କରନ୍ତି। ଆମେ ତାଙ୍କର ବ୍ୟାଙ୍କ ଆକାଉଣ୍ଟ ପରିଚାଳନା କରୁ। ଗୋବିନ୍ଦ ସ୍ପଷ୍ଟ କରିଥିଲେ ଯେ ଏହି ମାମଲାରେ ତାଙ୍କ ଭଉଣୀ ଦୋଷୀ ହୋଇପାରେ, କିନ୍ତୁ ତାଙ୍କ ପରିବାରର କୌଣସି ଦୋଷ ନାହିଁ। ସେଥିପାଇଁ ସେ ରାଜାଙ୍କ ଘରକୁ ଆସିଛନ୍ତି।
ସେ (ସୋନମ) ଏପର୍ଯ୍ୟନ୍ତ ହତ୍ୟା କରିଥିବା ସ୍ବୀକାର କରିନାହାଁନ୍ତି, କିନ୍ତୁ ପ୍ରମାଣ ଦେଖି ମୁଁ ନିଶ୍ଚିତ ଯେ ସେ ହତ୍ୟା ଯୋଜନା କରିଥିଲେ। ମୁଁ ରାଜାଙ୍କ ପରିବାରକୁ କ୍ଷମା ମାଗିଛି। ଏହି ପରିବାର ତାଙ୍କ ପୁଅକୁ ହରାଇଛି… ଯଦି ସୋନମ ଦୋଷୀ, ତେବେ ତାଙ୍କୁ ଫାଶୀ ଦିଆଯିବା ଉଚିତ। ମୁଁ ଗଣମାଧ୍ୟମ ମାଧ୍ୟମରେ ସବୁକିଛି ଜାଣିପାରୁଛି।’
ଗୋବିନ୍ଦ ଗଣମାଧ୍ୟମ ସହିତ କଥାବାର୍ତ୍ତା ସମୟରେ କହିଛନ୍ତି ଯେ ସେ ନିଜେ ସୋନମଙ୍କ ବିରୋଧରେ ମାମଲା ଲଢ଼ିବେ। ଏହା ସହିତ, ସେ କହିଛନ୍ତି ଯେ ରାଜ କୁଶୱାହା ଏବଂ ସୋନମଙ୍କ ମଧ୍ୟରେ କୌଣସି ସମ୍ପର୍କ ନଥିଲା।
ଗୋବିନ୍ଦ କହିଛନ୍ତି, ‘ସୋନମଙ୍କ ସହ କୌଣସି ସମ୍ପର୍କ ହୋଇନାହିଁ… ଆମେ ତାଙ୍କ ସହିତ ସମସ୍ତ ସମ୍ପର୍କ ଭାଙ୍ଗି ଦେଇଛୁ… ଆମେ ରାଜା (ରଘୁବଂଶୀ)ଙ୍କ ପକ୍ଷରୁ ଲଢ଼ିବୁ।’
