ମୁମ୍ବାଇ: ବଲିଉଡ ଅଭିନେତ୍ରୀ ସୋନାକ୍ଷୀ ସିହ୍ନା କିଛି ନା କିଛି କାରଣକୁ ନେଇ ପ୍ରାୟତଃ ଚର୍ଚ୍ଚାରେ ରୁହନ୍ତି। ଏହି ଅଭିନେତ୍ରୀ ମୁମ୍ବାଇର ସମୁଦ୍ର କୂଳରେ ଏକ ବିଳାସପୂର୍ଣ୍ଣ ଆପାର୍ଟମେଣ୍ଟ କିଣିଛନ୍ତି। ଅଭିନେତ୍ରୀଙ୍କ ଏହି ବିଳାସପୂର୍ଣ୍ଣ ଘରର ମୂଲ୍ୟ କୋଟି କୋଟି ଟଙ୍କା ବୋଲି କୁହାଯାଉଛି।
ସୋନାକ୍ଷୀ ସିହ୍ନା ବାନ୍ଦ୍ରା ରିକ୍ଲେମେଶନ, ବାନ୍ଦ୍ରା ଓ୍ବେଷ୍ଟରେ ରଙ୍ଗ ଶାରଦା ଅଡିଟୋରିୟମ ନିକଟ ୮୧ ଓରେଟେରେ ୪,୨୦୦ ବର୍ଗଫୁଟର ଆପାର୍ଟମେଣ୍ଟ କିଣିଛନ୍ତି। ଯାହାର ଦାମ୍ ୧୧ କୋଟି ଟଙ୍କା ବୋଲି କୁହାଯାଉଛି। ଅଗଷ୍ଟ ୨୯ରେ ପ୍ରୋଜେକ୍ଟ ପ୍ରମୋଟର୍ସ ପିରାମିଡ ଡେଭଲପର୍ସ ଏବଂ ସୋନାକ୍ଷୀଙ୍କ ମା’ ପୁନମ ସିହ୍ନାଙ୍କ ମଧ୍ୟରେ ଅଭିନେତ୍ରୀଙ୍କ ତରଫରୁ ପଞ୍ଜୀକୃତ ହୋଇଥିବା ବିକ୍ରୟ ଚୁକ୍ତିନାମା ଅନୁଯାୟୀ, ଆପାର୍ଟମେଣ୍ଟଟି ବାନ୍ଦ୍ରା, କେସି ରୋଡ୍ର ବିଲ୍ଡିଂର ୨୬ ମହଲାରେ ଅଛି।
