ବର୍ତ୍ତମାନର ଅତ୍ୟାଧୁନିକ ଜୀବନଶୈଳୀ ଓ ଖାଦ୍ୟପେୟ ଲାଗି ପ୍ରାୟ ସମସ୍ତଙ୍କଠାରେ ଗ୍ୟାସ୍ ସମସ୍ୟା ଦେଖାଯାଉଛି। ଏହି ସମସ୍ୟାରୁ ଛୋଟ ପିଲା ମଧ୍ୟ ବାଦ୍ ପଡ଼ୁ ନାହାନ୍ତି। ତେବେ ଅନେକ ଏହି ଗ୍ୟାସ୍ ସମସ୍ୟାର ମୁକ୍ତି ପାଇବା ଲାଗି ବିଭିନ୍ନ ଔଷଧ ବ୍ୟବହାର କରିଥାନ୍ତି। ମାତ୍ର ଘରୋଇ ଉପାୟରେ ଏହି ସମସ୍ୟାରୁ ମୁକ୍ତି ପାଇପାରିବେ ବୋଲି ଆର୍ୟୁବେଦ ଡାକ୍ତର କୁହନ୍ତି। ଜାଣନ୍ତୁ ସେ ସମ୍ପର୍କରେ…
ଡାଲ୍ଚିନି: ଡାଲ୍ଚିନି ଗ୍ୟାସ୍ ସମସ୍ୟାକୁ ଦୂର କରିଥାଏ। ଏହି ସମସ୍ୟାରୁ ମୁକ୍ତି ପାଇବା ଲାଗି ଗରମ ପାଣିରେ କିଛି ଡାଲ୍ଚିନି ପାଉଡର ମିଶାଇ ପିଅନ୍ତୁ। ଆପଣ ଚାହିଁଲେ ଏଥିରେ ମହୁ ପକାଇ ମଧ୍ୟ ପିଇ ପାରିବେ। ଏପରି କରିବା ଦ୍ୱାରା ଗ୍ୟାସ୍ ସମସ୍ୟାରୁ ମୁକ୍ତି ମିଳିଥାଏ।
ଅଦା:
ଏହା ସହ ଅଦା, ଅଳେଇଚ ଓ ସମାନ ପରିମାଣର ପାନମଧୁରୀରେ ନେଇ ପାଣିରେ ମିଶାଇ ପିଅନ୍ତୁ । ଚାହିଁଲେ କିଛି ହେଙ୍ଗୁ ପକାଇ ମଧ୍ୟ ପିଇ ପାରିବେ।
ଲେମ୍ବୁ ପାଣି ଓ ବେକିଂ ସୋଢ଼ା:
ଅଳ୍ପ ଲେମ୍ବୁରସରେ କିଛି ପାଣି ଓ ଅଳ୍ପ ବେକିଂ ସୋଡ଼ା ମିଶାଇ ପିଇବା ଫଳରେ ଗ୍ୟାସ୍ ସମସ୍ୟା ତୁରନ୍ତ ଦୂର ହୋଇଥାଏ।
ରସୁଣ:
ରସୁଣରେ ଥିବା ତତ୍ତ୍ୱ ଗ୍ୟାସ୍ ସମସ୍ୟାରୁ ମୁକ୍ତି ଦେଇଥାଏ। ଅଳ୍ପ ରସୁଣ ପାଖୁଡାକୁ ପାଣିରେ ପକାଇ ଫୁଟାଇ ସେଥିରେ ଗୋଲ ମରିଚ ପାଉଡର ଜିରା ମିଶାଇ ଛାଣି ଦିଅନ୍ତୁ। ପରେ ଥଣ୍ଡା ହେଲେ ପିଅନ୍ତୁ । ଦେଖିବେ ଗ୍ୟାସ ସମସ୍ୟା ଦୂର ହୋଇଯିବ।
ପାନମଧୁରୀ:
ଗ୍ୟାସ୍ ସମସ୍ୟାରୁ ମୁକ୍ତି ପାଇବା ଲାଗି ପାନମଧୁରୀ ଓ ଜୁଆଣିକୁ ମଧ୍ୟ ଚୋବାଇ ଖାଇ ପାରିବେ। ଏଭିଳି କରିବା ଫଳରେ ଗ୍ୟାସ୍ ସମସ୍ୟାରୁ ତୁରନ୍ତ ମୁକ୍ତି ମିଳିଥାଏ।
