ଯୁବତୀଙ୍କୁ ଆକୃଷ୍ଟ କରିବାକୁ ଖର୍ଚ୍ଚ କଲେ ଏତିକି ଲକ୍ଷ ଟଙ୍କା, ଏବେ ଲାଗୁଛି ଲମ୍ବା ଲାଇନ୍
05 ପ୍ରକୃତି ପ୍ରତ୍ୟେକ ମଣିଷକୁ ଅଲଗା ଅଲଗା କରି ଗଢ଼ିଛି। କିଏ ଲମ୍ବା ତ କିଏ ଛୋଟ। ଆଉ କିଏ ବହୁତ ସୁନ୍ଦର ତ ଆଉ କିଏ ଅସୁନ୍ଦର। ଯଦିଓ ଏହା ଦ୍ୱାରା ବ୍ୟକ୍ତିତ୍ୱର ବିଚାର କରାଯାଇପାରେ ନାହିଁ, ତଥାପି ଅନେକ ଥର ଏହା ଅନୁଭବ ହୁଏ ଯେ, ଶାରୀରିକ ସୌନ୍ଦର୍ଯ୍ୟ ଉପରେ ବିଶ୍ୱର ସାମାନ୍ୟ ଭିନ୍ନ ଦୃଷ୍ଟିକୋଣ ରହିଛି। ଲୋକମାନେ ଏହି ଅଭାବକୁ ସୁଧାରିବା ପାଇଁ ଲକ୍ଷାଧିକ ଟଙ୍କା ଖର୍ଚ୍ଚ କରିବାକୁ ମଧ୍ୟ ପଛଘୁଞ୍ଚା ଦିଅନ୍ତି ନାହିଁ। ଏପରି ଜଣେ ବ୍ୟକ୍ତି ତାଙ୍କର ଉଚ୍ଚତା ବୃଦ୍ଧି ପାଇଁ ଅସ୍ତ୍ରୋପଚାର କରାଇଛନ୍ତି। ଯାହା ଶୁଣିଲେ ଆଶ୍ଚର୍ଯ୍ୟ ହେବେ।
୩୮ ବର୍ଷୀୟ ଆମେରିକୀୟ ଯୁବକ ରିଚ୍ ରୋଟେଲା ଯୁବତୀଙ୍କ ଦୃଷ୍ଟି ଆକର୍ଷଣ କରିବା ପାଇଁ ୮୪ ଲକ୍ଷ ଟଙ୍କା ଖର୍ଚ୍ଚ କରିଛନ୍ତି। ଯାହାଫଳରେ ତାଙ୍କ ନିକଟକୁ ଯୁବତୀଙ୍କ ଡେଟିଂ ପାଇଁ ଲାଇନ୍ ଲାଗୁଛି।
ଏକ ରିପୋର୍ଟରୁ ପ୍ରକାଶ, ରିଚ୍ ତାଙ୍କ ଗୋଡ଼ର ଲମ୍ବ ବଢ଼ାଇବା ପାଇଁ ଅସ୍ତ୍ରୋପଚାର କରାଇଥିଲେ। ଯାହାଫଳରେ ସେ ୩ ଇଞ୍ଚ ଉଚ୍ଚରେ ଦେଖାଯିବେ। ତାଙ୍କର ଉଚ୍ଚତା ପୂର୍ବରୁ ୫ ଫୁଟ ୫ ଇଞ୍ଚ ଥିଲା ଏବଂ ୮୪ ଲକ୍ଷରୁ ଅଧିକ ଟଙ୍କା ଖର୍ଚ୍ଚ କରିବା ପରେ ସେ ନିଜର ଉଚ୍ଚତାକୁ ୫ ଫୁଟ ୮ ଇଞ୍ଚକୁ ବୃଦ୍ଧି କରିଛନ୍ତି। ପେସାରେ ରିଚ୍ ଜଣେ ଅଭିନେତା। ସେ ଲସ୍ ଆଞ୍ଜେଲସରେ ରୁହନ୍ତି। ସେ ଭାବନ୍ତି ଉଚ୍ଚତା କ୍ୟାରିୟର ଏବଂ ବ୍ୟକ୍ତିଗତ ଜୀବନ ଉପରେ ମଧ୍ୟ ବହୁତ ପ୍ରଭାବ ପକାଇଥାଏ। ତେଣୁ ସେ ତାଙ୍କ ଗୋଡ଼ରେ ବାଡ଼ି ଲଗାଇ ଉଚ୍ଚତା ବୃଦ୍ଧି କରାଇଥିଲେ। ଅପରେଶନ ପରେ ତାଙ୍କୁ ୩ ମାସ ପର୍ଯ୍ୟନ୍ତ ଯନ୍ତ୍ରଣାଦାୟକ ଫିଜିଓଥେରାପି ମଧ୍ୟ କରିବାକୁ ପଡ଼ିଥିଲା।
ରିଚ୍ କହିଛନ୍ତି, ଅସ୍ତ୍ରୋପଚାର ପରେ ସେ ବହୁତ ଉପକୃତ ହୋଇଛନ୍ତି। ଉଚ୍ଚତା ବଢ଼ିବା ତାଙ୍କ ପାଇଁ ଲାଭଦାୟକ ହୋଇଛି। ଡେଟିଂ ୩୦ରୁ ୪୦ ପ୍ରତିଶତ ବୃଦ୍ଧି ପାଇଛି। ସେ କହିଛନ୍ତି, ତାଙ୍କ ଉଚ୍ଚତା ହେତୁ ଅନେକ ଥର ଭଲ ପାର୍ଟନର ତାଙ୍କୁ ହରାଇବାକୁ ପଡ଼ିଥିଲା। ବର୍ତ୍ତମାନ ସେ ଆଶା କରୁଛନ୍ତି ଯେ, ବୃତ୍ତିଗତ ଭାବରେ ତାଙ୍କ ଉଚ୍ଚତାର ଲାଭ ପାଇବେ।