କୁଇନ୍ସଲାଣ୍ଡ,୧୭।୧୧: ମହିଳା ବିଗ୍ ବାଶ ଲିଗ୍ (ଡବ୍ଲ୍ୟୁବିବିଏଲ୍)ରେ ପ୍ରଥମ ଭାରତୀୟ ଖେଳାଳି ଭାବେ ଶତକ ହାସଲ କରିଛନ୍ତି ସ୍ମ୍ରିତି ମନ୍ଧାନା। କୁଇନ୍ସଲାଣ୍ଡର ହାରପ ପାର୍କଠାରେ ବୁଧବାର ସିଡ୍ନୀ ଥଣ୍ଡର ଓ ମେଲବୋର୍ନ ରେନେଗାଡେସ ମଧ୍ୟରେ ଖେଳାଯାଇଥିବା ମ୍ୟାଚ୍ରେ ଭାରତୀୟ ଓପନର ଏହି ସଫଳତା ହାସଲ କରିଛନ୍ତି। ମାତ୍ର ତାଙ୍କର ୧୧୪ ରନ୍ର ଅପରାଜିତ ପାଳି ସତ୍ତ୍ୱେ ପରାଜୟରୁ ବର୍ତ୍ତି ପାରି ନ ଥିଲା ଥଣ୍ଡର।
A beautiful innings!
Congratulations, @mandhana_smriti 🤩 #WBBL07 pic.twitter.com/Jwo4E1fN3X
— Weber Women's Big Bash League (@WBBL) November 17, 2021
୧୭୬ ରନ୍ର ବିଜୟ ଲକ୍ଷ୍ୟ ପିଛା କରୁଥିବା ଥଣ୍ଡର ଦଳ ପାଇଁ ୬୪ ବଲରେ ୧୧୪ ରନ୍ର ବିସ୍ଫୋରକ ପାଳି ଖେଳି ଅପରାଜିତ ଥିଲେ। ତାଙ୍କ ପାଳିରେ ୧୪ ଚୌକା ଓ ୩ ଛକା ସାମିଲ ଥିଲା। ମାତ୍ର ଅନ୍ୟ ବ୍ୟାଟରମାନେ ବଳକା ୫୬ ବଲରେ ମାତ୍ର ୫୧ ରନ୍ ହିଁ କରିବାକୁ ସକ୍ଷମ ହୋଇଥିଲେ। ଫଳରେ ବିଜୟ ଲକ୍ଷ୍ୟ ଠାରୁ ୫ ରନ୍ ଦୂରରେ ରହି ଯାଇଥିଲା ଥଣ୍ଡର। ପୂର୍ବରୁ ଆମନ୍ତ୍ରଣ ପାଇ ପ୍ରଥମେ ବ୍ୟାଟିଂ କରିଥିବା ମେଲବୋର୍ନ ଧାର୍ଯ୍ୟ ୨୦ ଓଭରରେ ୨ ଉଇକେଟ ହରାଇ ୧୭୫ ରନ୍ କରିଥିଲା। ଦଳ ପାଇଁ ହରମନପ୍ରୀତ କୌର ୫୫ ବଲରେ ଖେଳିଥିଲେ ୮୧ ରନ୍ର ଇନିଂସ। ତାଙ୍କ ପାଳିରେ ସାମିଲ ଥିଲା ୧୧ ଚୌକା ଓ ୨ ଛକା।
