ନୂଆଦିଲ୍ଲୀ,୧୨।୭: ଏବେ ଡିଜିଟାଲର ଯୁଗ। ପ୍ରତିଟି କାର୍ଯ୍ୟ ଅନ୍ଲାଇନ୍ରେ ସମ୍ପନ୍ନ ହେଉଛି। ବ୍ୟାଙ୍କ କାରବାରଠାରୁ ଆରମ୍ଭ କରି ଅନ୍ଲାଇନ୍ରେ ଜିନିଷପତ୍ର କିଣା ସବୁ ସମ୍ଭବ ହେଉଛି। ଘରେ ବସି ସ୍ମାର୍ଟଫୋନ୍ ମାଧ୍ୟମରେ ସହଜରେ ଏହା କରାଯାଇ ପାରୁଛି। ତେବେ ଯଦି ସ୍ମାର୍ଟଫୋନ୍ର ବ୍ୟାଟେରୀ ଏବଂ ଇଣ୍ଟରନେଟ୍ ଡାଟା ଶୀଘ୍ର ସରୁଛି, ଏଥିପ୍ରତି ସତର୍କ ରହିବାର ଆବଶ୍ୟକତା ରହିଛି। ଏଭଳି ସମସ୍ୟା ଉପୁଜିଲେ ସ୍ମାର୍ଟଫୋନ୍କୁ କେହି ହ୍ୟାକିଂ କରୁଥିବା ଆଶଙ୍କା ରହିଥାଏ। କୌଣସି ହ୍ୟାକର ସ୍ମାର୍ଟଫୋନ୍ରେ ଥିବା ଗୋପନୀୟ ତଥ୍ୟକୁ ଲିକ୍ କରାଇବାର ପ୍ରୟାସ କରୁଥାଇ ପାରନ୍ତି। ତେଣୁ ଏଥିପ୍ରତି ସତର୍କ ରହିବାର ଆବଶ୍ୟକତା ରହିଛି। ଆମେରିକାର କମ୍ପ୍ୟୁଟର ସିକ୍ୟୁରିଟି କମ୍ପାନୀ ନୋଟର୍ନ ଅନୁସାରେ ସ୍ମାର୍ଟଫୋନ୍ର ଇଣ୍ଟରନେଟ୍ ଡାଟା ଶୀଘ୍ର ସରୁଥିବା ସମସ୍ୟା ଦେଖାଦେଲେ ଏହାର ତୁରନ୍ତ ଯାଞ୍ଚ୍ କରିବା ଆବଶ୍ୟକ। ସେହିପରି କାସ୍ପରସ୍କାଏ କମ୍ପାନୀ ଅନୁସାରେ ହ୍ୟାକ୍ ହୋଇଥିବା ସ୍ମାର୍ଟଫୋନ୍ର ପ୍ରୋସେସିଂ ହ୍ୟାକର କରିଥାନ୍ତି। ଫଳରେ ଫୋନ୍ ସ୍ଲୋ ହୋଇଯାଏ। ତେଣୁ ହ୍ୟାକିଂରୁ ସୁରକ୍ଷିତ ରହିବା ଲାଗି ନିୟମିତ ସ୍କାନିଂ କରିବା ସହିତ କୌଣସି ଅଜଣା ଆପ୍କୁ ଡାଉନ୍ଲୋଡ୍ ନ କରିବା ଉଚିତ୍। ଆବଶ୍ୟକସ୍ଥଳେ ଫୋନ୍ର ମୋବାଇଲ୍ ଡାଟା ଅଫ୍ କରି ଏହାକୁ ରିଷ୍ଟ୍ରାଟ୍ କରିବା ଆବଶ୍ୟକ।
