ମହିଳାମାନେ ସାଧାରଣତଃ ନିଜର ମୋଟାପଣକୁ ନେଇ ବହୁ ଚିନ୍ତାରେ ଥାଆନ୍ତି। କେଉଁ ଶାଢ଼ି ପିନ୍ଧିଲେ କେମିତି ଦେଖାଯିବେ, ତାକୁ ନେଇ ସବୁବେଳେ କଳ୍ପନାଜଳ୍ପନା ଲାଗିରହିଥାଏ। ତେଣୁ ଶାଢ଼ିରେ ସ୍ଲିମ୍ ଲୁକ୍ ଚାହୁଁଥିଲେ ଏହିସବୁ ଟିପ୍ସ ଆପଣାଇପାରିବେ…
ପ୍ରିଣ୍ଟ ଶାଢ଼ି- ସାଧାରଣତଃ ମୋଟା ପ୍ରିଣ୍ଟ ଥିବା ଶାଢ଼ିରେ ମହିଳାମାନେ ବେଶି ମୋଟା ଦେଖାଯାଆନ୍ତି। ତେଣୁ ସରୁ ପ୍ରିଣ୍ଟ ଥିବା ସିଫନ୍ କିମ୍ବା କ୍ରେପ୍ ଶାଢ଼ି ପିନ୍ଧନ୍ତୁ, ଆପଣ ଅପେକ୍ଷାକୃତ ସ୍ଲିମ୍ ଲାଗିବେ।
ସରୁ ବର୍ଡର: ଶାଢ଼ିରେ ଯଦି ମୋଟା ବର୍ଡର ଥାଏ, ତେବେ ନିହାତି ଆପଣ ମୋଟା ଲାଗିବେ। ସ୍ଲିମ୍ ଦେଖାଯିବାକୁ ଚାହୁଁଥିଲେ ସରୁ ବର୍ଡର ଥିବା ଶାଢ଼ି ଟ୍ରାଏ କରନ୍ତୁ ଏବଂ ପି୍ଲଟ୍ଗୁଡ଼ିକୁ ବି ପତଳା କରନ୍ତୁ।
ଲଙ୍ଗ୍ ସ୍ଲିଭ୍ ବ୍ଲାଉଜ୍: ମୋଟା କି ପତଳା ଦେଖାଯିବେ ତାହା ଆପଣ ପିନ୍ଧିଥିବା ବ୍ଲାଉଜ୍ ଉପରେ ବି ନିର୍ଭର କରେ। ତେଣୁ ମୋଟା ହାତକୁ ସ୍ଲିମ୍ ଲୁକ୍ ଦେବା ପାଇଁ ଶର୍ଟ ସ୍ଲିଭ୍ ବ୍ଲାଉଜ୍ ପରିବର୍ତ୍ତେ ଲଙ୍ଗ୍ ସ୍ଲିଭ୍ ବ୍ଲାଉଜ୍ ପିନ୍ଧନ୍ତୁ।
ପିନ୍ଧିବା ଶୈଳୀ: ଶାଢ଼ିକୁ ଯଦି ଆପଣ ଢିଲାରେ ପିନ୍ଧୁଛନ୍ତି, ତେବେ ସେଥିରେ ଆପଣ ଯେମିତି ବି ହେଲେ ମୋଟା ଲାଗିବେ। ତେଣୁ ଶାଢ଼ିକୁ ଠିକ୍ ଭାବେ ଟାଇଟ୍ କରି ପିନ୍ଧନ୍ତୁ ଏବଂ ଠିକ୍ ସ୍ଥାନରେ ପିନ୍ ଅପ୍ କରନ୍ତୁ, ଦେଖିବେ ଫିଗର ସ୍ଲିମ୍ ଲାଗିବ।
ଶାଢ଼ି ଚଏସ୍: ବନାରସୀ, କାଞ୍ଜିଭରମ୍, କଟନ, ମଠା ଭଳି ଭାରି ଶାଢ଼ି ବଡ଼ି ଫ୍ୟାଟ୍କୁ ଅଧିକ ହାଇଲାଇଟ୍ କରୁଥିବାରୁ ଆପଣ ବେଶି ମୋଟା ଲାଗିବେ। ତେଣୁ ଆପଣ ସିଫନ୍ କିମ୍ବା ହାଲ୍କା ଫେବ୍ରିକ୍ର ଶାଢ଼ି ପିନ୍ଧନ୍ତୁ, ସ୍ଲିମ୍ ଲାଗିବେ। ଏହା ସହ ଲାଇଟ୍ ପରିବର୍ତ୍ତେ ଡାର୍କ କଲରର ଶାଢ଼ି ଆପଣଙ୍କ ପାଇଁ ପର୍ଫେକ୍ଟ ଚଏସ୍।
ହେୟାର ଷ୍ଟାଇଲ୍ ଏବଂ ଅର୍ନାମେଣ୍ଟସ୍- ଷ୍ଟ୍ରେଟ୍ ହେୟାର ସ୍ଲିମ୍ ଲୁକ୍ ଦେଇଥାଏ। ତେଣୁ ଯଦି ଆପଣଙ୍କର କର୍ଲି ହେୟାର ତେବେ ଏହାକୁ ଷ୍ଟ୍ରେଟ୍ନିଂ କରିପାରିବେ ନଚେତ୍ ଖୋସା ବା ବନ୍ ହେୟାର ଷ୍ଟାଇଲ୍ ଆପଣେଇପାରିବେ। ଏହା ସହ ସରୁ ନେକ୍ଲେସ୍ ପିନ୍ଧନ୍ତୁ, ଯାହା ଆପଣଙ୍କୁ ସ୍ଲିମ୍ ଏବଂ ଗର୍ଜିୟସ୍ ଲୁକ୍ ଦେବ।
