ନୂଆଦିଲ୍ଲୀ, ୨୧।୯ :ବୁଧବାର ବିଳମ୍ବିତ ରାତି ୧ଟା ୫୧ରେ ଦିଲ୍ଲୀରେ ଏକ ଦୁଃଖଦ ଘଟଣା ଘଟିଛି। ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୪ଜଣଙ୍କର ମୃତ୍ୟୁ ଘଟିଛି। ଏକ ଟ୍ରକ ରାସ୍ତାକଡ଼ରେ ଶୋଇଥିବା ଲୋକଙ୍କ ଉପରେ ଚଢ଼ିଯାଇଛି। ଫଳରେ ଶୋଇଥିବା ୬ ଜଣଙ୍କ ମଧ୍ୟରୁ ୪ ଜଣଙ୍କର ମୃତ୍ୟୁ ଘଟଣାସ୍ଥଳରେ ଘଟିବା ସହିତ ଦୁଇ ଜଣ ଗୁରୁତର ଆହତ ହୋଇଛନ୍ତି। କୁହାଯାଉଛି ଯେ ଏହି ସମସ୍ତ ଲୋକ ରାସ୍ତା କଡରେ ଥିବା ଡିଭାଇଡର୍ ଉପରେ ଶୋଇଥିଲେ। ଆହତମାନେ ବର୍ତ୍ତମାନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।
ପୋଲିସ ଦେଇଥିବା ଖବର ଅନୁଯାୟୀ ଏକ ଅଜଣା ଟ୍ରକ ଏଭଳି କରିଛି ଏହି ହତ୍ୟାକାଣ୍ଡ ଘଟାଇଛି। କୁହାଯାଉଛି ଯେ ସେମାପୁରୀରେ ଡିଟିସି ଡିପୋ ରେଡଲାଇଟ ଅତିକ୍ରମ କରୁଥିବାବେଳେ ଏହି ଟ୍ରକ ରାସ୍ତା କଡରେ ଥିବା ଡିଭାଇଡର୍ ଉପରେ ଶୋଇଥିବା ଲୋକଙ୍କ ଉପରେ ନିୟନ୍ତ୍ରଣ ହରାଇ ମାଡ଼ି ଯାଇଥିଲା। ଦୁର୍ଘଟଣାରେ ଘଟଣାସ୍ଥଳରେ ଦୁଇ ଜଣଙ୍କର ମୃତ୍ୟୁ ହୋଇଛି। ଅନ୍ୟ ଜଣଙ୍କୁ ଡାକ୍ତରଖାନାରେ ମୃତ ଘୋଷଣା କରାଯାଇଥିବାବେଳେ ଚତୁର୍ଥ ବ୍ୟକ୍ତିଙ୍କର ଡାକ୍ତରଖାନାରେ ଚିକିତ୍ସା ସମୟରେ ମୃତ୍ୟୁ ଘଟିଛି।
ଏହି ଦୁର୍ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିଲା। ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଥିଲା। କେତେକ ଗଣମାଧ୍ୟମ ରିପୋର୍ଟରେ କୁହାଯାଇଛି ଯେ ଅନ୍ଧକାରର ସୁଯୋଗ ନେଇ ଟ୍ରକ ଡ୍ରାଇଭର ଘଟଣାସ୍ଥଳରୁ ଟ୍ରକ ସହିତ ଫେରାର ହୋଇ ଯାଇଥିଲେ। ବର୍ତ୍ତମାନ ପୋଲିସ ଏହି ଦୁର୍ଘଟଣାର ତଦନ୍ତ ଜାରି ରଖିଛି।
ମୃତକଙ୍କ ନାମ ୫୨ ବର୍ଷିୟ କରିମ, ୨୫ ବର୍ଷିୟ ଛୋଟ ଖାନ, ୩୮ ବର୍ଷିୟ ଶାହ ଆଲାମ ଏବଂ ୪୫ ବର୍ଷିୟ ରାହୁଲ ବୋଲି ଜଣାପଡିଛି। ଏହା ବ୍ୟତୀତ ଆହତ ହୋଇଥିବା ଅନ୍ୟ ଦୁଇ ଜଣଙ୍କୁ ୧୬ବର୍ଷ ବୟସ୍କ ମନୀଷ ଏବଂ ୩୦ ବର୍ଷ ବୟସ୍କ ପ୍ରଦୀପ ବୋଲି ଜଣାପଡିଛି। ସଡ଼କ ଦୁର୍ଘଟଣା ଘଟାଇଥିବା ଟ୍ରକକୁ ଖୋଜିବା ପାଇଁ ପୋଲିସ ପକ୍ଷରୁ ବିଭିନ୍ନ ଟିମ୍ ଗଠନ କରାଯାଇଛି। ଏହି ମାମଲାରେ ପୋଲିସ ଏକ ମାମଲା ରୁଜୁ କରିଛି।
କରିମ, ଛୋଟ ଖାନ ଏବଂ ଶାହା ଆଲାମ ନୂଆ ସୀମା ପୁରୀ ଅଞ୍ଚଳର ବାସିନ୍ଦା ଥିଲେ। ରାହୁଲ ଶାହିବାବାଦର ଶାଲିମାର ବଗିଚା ବିକ୍ରମ ଏନକ୍ଲେର ବାସିନ୍ଦା ଥିଲେ। ଆହତ ମନୀଷ ଗଗନ ବିହାରର ଶାହାବାବାଦର ତୁସଲି ନିକେତନର ବାସିନ୍ଦା ଏବଂ ପ୍ରଦୀପ ଦିଲ୍ଲୀର ତାହିପୁର ଗାଁର ବାସିନ୍ଦା ବୋଲି ପୋଲିସ ପକ୍ଷରୁ ସୂଚନା ପ୍ରଦାନ କରାଯାଇଛି।
