କଲମ୍ବୋ,୩।୯:ଶ୍ରୀଲଙ୍କା ଏବଂ ଦକ୍ଷିଣ ଆଫ୍ରିକା ମଧ୍ୟରେ ଚାଲିଥିବା ୩ ଟି ଦିନିକିଆ ସିରିଜ ଗୁରୁବାର ଠାରୁ କଲମ୍ବୋରେ ଆରମ୍ଭ ହୋଇଛି । ଏହି ମ୍ୟାଚରେ ଶ୍ରୀଲଙ୍କା ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ତେବେ ଶ୍ରୀଲଙ୍କା ଇନିଂସର ୧୬ ତମ ଓଭରରେ ଏକ ଅଜବ ଘଟଣା ଘଟିଛି। ସମସ୍ତ ପ୍ରଯୁକ୍ତିବିଦ୍ୟା ସତ୍ତ୍ୱେ ଅମ୍ପାୟାର ଏକ ଘଟଣାକୁ ପଡ଼ିଆରେ ଧରି ପାରି ନ ଥିଲେ ଏବଂ ବୋଲରଙ୍କୁ ୬ ବଦଳରେ ୭ ଟି ବଲ ବୋଲିଂ କରିବାକୁ ପଡିଥିଲା।
ଶ୍ରୀଲଙ୍କାର ଇନିଂସର ୧୬ତମ ଓଭରରେ ଏହି ଘଟଣା ଘଟିଛି। ଏହି ଓଭରକୁ ଦକ୍ଷିଣ ଆଫ୍ରିକାର ସ୍ପିନର ଆଡେନ ମାକ୍ରାମ ବୋଲିଂ କରିଥିଲେ। ସେ ଏହି ଓଭରରେ ୬ଟି ବୈଧ ବଲ ବୋଲିଂ କରିଥିଲେ। ଏହା ସତ୍ତ୍ୱେ ସେ ପରବର୍ତ୍ତୀ ବଲକୁ ବୋଲିଂ କରିବାକୁ ଦୌଡିବାକୁ ଆସିଥିଲେ। ସେତେବେଳେ ଅମ୍ପାୟାର ହୃଦୟଙ୍ଗମ କଲେ ଯେ ତାଙ୍କର କୋଟା ସମାପ୍ତ ହୋଇଛି। ଏହାକୁ ନିଶ୍ଚିତ କରିବା ପାଇଁ ସେ ତୃତୀୟ ଅମ୍ପାୟାରଙ୍କ ନିକଟକୁ ଯାଇଥିଲେ। କିନ୍ତୁ ସେଠାରୁ ଏହା ଜାଣିବାକୁ ପାଇଲା ଯେ ଓଭରର ଗୋଟିଏ ବଲ ଅଛି । ଅମ୍ପାୟାରଙ୍କ ଏହି ନିଷ୍ପତ୍ତିରେ ସମୀକ୍ଷକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ। ଏହା ପରେ ମାକ୍ରାମ ସପ୍ତମ ବଲ ବୋଲିଂ କରିଥିଲେ। କୌତୁହଳର ବିଷୟ, ମାର୍କ୍ରାମ ଏହି ଓଭରରେ କୌଣସି ବଲ ଓ୍ବାଇଡ୍ କିମ୍ବା ନୋ’ ବୋଲିଂ କରି ନ ଥିଲେ, ତଥାପି ତାଙ୍କୁ ଅତିରିକ୍ତ ବଲ ବୋଲିଂ କରିବାକୁ ପଡିଥିଲା। ତାଙ୍କର ସପ୍ତମ ବଲରୁ ମାତ୍ର ୧ ରନ ଆସିଥିଲା। ତାଙ୍କର ଏହି ଓଭରରୁ ମୋଟ ୨ ରନ ସ୍କୋର କରାଯାଇଥିଲା।
