ରାଜକୋଟ,୭।୧: ଫୁଲ୍ଟସ୍ ବଲ୍ ଖେଳିବାକୁ ଯାଇ ତଳେ ପଡ଼ିଗଲେ, ତଥାପି ଛକା ମାରିଲେ କ୍ରିକେଟର। କିଛି ଏଭଳି ଦୃଶ୍ୟ ଭାରତ ଏବଂ ଶ୍ରୀଲଙ୍କା ମଧ୍ୟରେ ଚାଲିଥିବା ନିର୍ଣ୍ଣାୟକ ଟି୨୦ ମୁକାବିଲାରେ ଦେଖିବାକୁ ମିଳିଛି।
ଭାରତୀୟ ଇନିଂସର ୧୩ତମ ଓଭରର ଦ୍ୱିତୀୟ ବଲ୍ରେ ଶ୍ରୀଲଙ୍କାର ମଧୁସଙ୍କା ଏକ ଫୁଲ୍ଟସ୍ ବଲ୍ ପକାଇଥିଲେ। ଏହାକୁ ସୂର୍ଯ୍ୟକୁମାର ଉଇକେଟକିପରଙ୍କ ଉପରୁ ଖେଳିବାକୁ ଚେଷ୍ଟା କରିଥିଲେ। ଏପରି କରିବାକୁ ଯାଇ ସେ ତଳେ ପଡ଼ିଯାଇଥିଲେ। ହେଲେ ସେ ବଲ୍କୁ ବାଉଣ୍ଡ୍ରି ଆରପଟକୁ ପଠାଇବାକୁ ହେଳା କରି ନ ଥିଲେ। ଏହା ସିଧା ଛକା ହୋଇଥିଲା। ଏଭଳି ଶଟ୍ ଦେଖି ମଇଦାନରେ ଉପସ୍ଥିତ ଦର୍ଶକ ଚକିତ ହୋଇଥିଲେ।
ପ୍ରକାଶ ଯେ, ଏହି ମ୍ୟାଚ୍ରେ ସୂର୍ଯ୍ୟକୁମାର ନିଜ ଟି୨୦ କ୍ୟାରିୟରର ୩ୟ ଶତକ ମାରିବାରେ ସଫଳ ହୋଇଛନ୍ତି। ସେ ମାତ୍ର ୪୫ ବଲରେ ନିଜର ଶତକ ପୂରଣ କରିଥିଲେ। ଏପରିକି ନିଜ ଇନିଂସରେ ସେ ମୋଟ ୧୧୨ ରନ୍ କରିଥିଲେ, ଯାହାକି ତାଙ୍କର ଦ୍ୱିତୀୟ ସର୍ବାଧିକ ଟି୨୦ ସ୍କୋର ବୋଲି ଜଣାପଡ଼ିଛି। ସେ ମୋଟ ୫୭ ବଲ୍ ଖେଳିଥିଲେ। ସେଥିରେ ୭ ଚୌକା ଏବଂ ୯ ଛକା ରହିଥିଲା। ସୂର୍ଯ୍ୟକୁମାରଙ୍କ ଏଭଳି ଜବରଦସ୍ତ ଇନିଂସ ବଳରେ ଭାରତ ଶ୍ରୀଲଙ୍କାକୁ ୨୨୯ ରନ୍ର ବିଶାଳ ଟାର୍ଗେଟ ଦେଇଛି।
