ଗୁଣପୁର,୨୯ା୧(ସଙ୍କେତ ପାତ୍ର/ସୁଜାତା ପାଢ଼ୀ): ପିଲାଖେଳ ଯେ, ଜଣେ ନାବାଳକଙ୍କ ଜୀବନ ନେଇଯାଇଥାନ୍ତା ତାହା ଏକ ଭିଡିଓରୁ ଜଣାପଡ଼େ। ଏଭଳି ଏକ ଦୃଶ୍ୟ ଦେଖିବାକୁ ମିଳିଛି ରାୟଗଡ଼ା ଜିଲା ଗୁଣପୁର ଥାନା ଅନ୍ତର୍ଗତ ମେରିଙ୍ଗି ଗ୍ରାମରେ। ୨୫ ତାରିଖ ସନ୍ଧ୍ୟାରେ ଅଜୁ ଶବର, ମିଟୁ ଶବର, ଶୁକ୍ଲାଙ୍ଗ ଶବର ସମେତ ଅନ୍ୟ ତିନିଜଣ ନାବାଳକ ମିଶି ଛଅ ଜଣ ଜଣେ ନାବାଳକଙ୍କୁ ବାଲିପଠାରେ ପୋତିଦେଇ ରଖିଥିଲେ। ପୋତି ହୋଇଥିବା ନାବାଳକଙ୍କ ଶରୀରର ବେକ ପର୍ଯ୍ୟନ୍ତ ବାଲି ଭିତରେ ପୋତି ହୋଇ ରହିଥିବା ବେଳେ ପୋତି ଦେଇଥିବା ଛଅ ସାଙ୍ଗ ଉପହାସ କରି ନାବାଳକ ଛଟପଟ ହେଉଥିବା ଦେଖି ରହୁଥିଲେ। ଏପରିକ ନାବାଳକ ଭିଡିଓ ମଧ୍ୟ ଉତ୍ତୋଳନ କରୁଥିଲେ। ପୋତି ହୋଇ ରହିଥିବା ନାବାଳକଙ୍କୁ କାହାକୁ କହିଲେ ପୁଣି ଏଭଳି କରିବୁ ବୋଲି ଧମକାଇ ରଖୁଥିଲେ। ନାବାଳକ ଜଣକ ପ୍ରାଣକୁ ବଞ୍ଚାଇବା ପାଇଁ କାନ୍ଦି କାନ୍ଦି ଛଟପଟ ହେଉଥିଲେ। ଦୀର୍ଘ ସମୟ ଧରି ନାବଳକ ଜୀବନ ବିକଳ ହୋଇ ରହିଥିବା ବେଳେ ଛଅ ଜଣ ସର୍ତ୍ତ ରାଜି ହେବା ପରେ ପୋତିଦେଇଥିବା ଛଅ ଜଣ ନାବାଳକଙ୍କୁ ବାଲି ଭିତରୁ କାଢ଼ିଥିଲେ। ନାବାଳକ ନ ଦେଖାଯିବାରୁ ନାବାଳକଙ୍କ ମାମୁଘର ଲୋକେ ଖୋଜାଖୋଜି କରୁଥିଲେ। ନାବାଳକଙ୍କ ନିଜ ଘର ପଦ୍ମପୁର ବ୍ଲକ ଖିଲାପଦର ଗ୍ରାମ ରହିଥିବା ବେଳେ ଗୁଣପୁର ବ୍ଲକ ମେରିଙ୍ଗ ଗ୍ରାମରେ ରହି ପାଢୁପଢୁଥିବା ଜଣାପଡ଼ିଛି। ରାତି ୧୦ଟାରେ ନାବାଳକ ଘରେ ପହଞ୍ଚି ଭୟରେ କାନ୍ଦୁଥିଲେ। ବାଲି ଭତରେ ପୋତି ରଖିଥିବା ଭିଡିଓ ଘଟଣାର ଭିଡିଓ ଭାଇରଲ ପରେ ନାବା ନାବାଳକଙ୍କ ବାପା ମା’ ଦେଖି ଗୁଣପୁର ଥାନାର ଦ୍ବାରସ୍ଥ ହୋଇଥିଲେ। ଗୁଣପୁର ପୋଲିସ ଘଟଣାର ତଦନ୍ତ କରି ଛଅ ଜଣଙ୍କୁ ଗିରଫ କରି ଗୁଣପୁର କୋର୍ଟ ଚାଲାଣ କରିଛି। ଛଅ ମଧ୍ୟରେ ତିନି ଜଣ ନାବାଳକ ରହିଥିବାରୁ ସେମାନଙ୍କୁ ଜୁଭିନାଲ କୋର୍ଟରେ ହାଜର କରାଯିବା ନେଇ ପୋଲିସ ପକ୍ଷରୁ ଜଣାପଡ଼ିଛି। ଆଜି ଗୁଣୁପୁର କୋର୍ଟରେ ୧୮୩ ଭାରତୀୟ ନ୍ୟାୟ ସୁରକ୍ଷା ସଂହିତା ଆକ୍ଟରେ ନାବାଳାକଙ୍କ ବୟାନ ରେକର୍ଡ କରାଯାଇଛି। ୬ ଜଣ ଟ୍ରାକ୍ଟର ଜୋଗେ ମେରିଙ୍ଗି ନିକଟ ସାନନଦୀରୁ ବାଲି ଉଠାଣ ପାଇଁ ଯାଇଥିଲେ। ନାବାଳକଙ୍କୁ ବାଲି ଉଠାଇବା ପାଇଁ କହିଥିଲେ ନାବାଳକ ମନା କରି ଗାଳିଗୁଲଜ କରିବାରୁ ୬ ଜଣ ଉତ୍ତ୍ୟକ୍ତ ହୋଇ ବାଲିରେ ପୋତି ରଖିଥିଲେ ବୋଲି ନାବାଳକଙ୍କ ବାପା ରମେଶ ଶବର ପ୍ରତିକ୍ରିୟା ରଖିଛନ୍ତି।
