ନୂଆଦିଲ୍ଳୀ,୮।୩: ଦିଲ୍ଲୀ ଅବକାରୀ ଦୁର୍ନୀତି ଅଭିଯୋଗରେ ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଡିଆଙ୍କୁ ତିହାର ଜେଲରେ ଅଲଗା ୱାର୍ଡରେ ରଖାଯାଇଛି। ମନୀଷ ସିସୋଡିଆଙ୍କ ସୁରକ୍ଷାକୁ ଦୃଷ୍ଟିରେ ରଖି ଜେଲ ପ୍ରଶାସନ ଏହି ନିଷ୍ପତ୍ତି ନେଇଛି। ଜେଲ ଅଧିକାରୀମାନେ କହିଛନ୍ତି, ସିସୋଡିଆଙ୍କୁ ରଖାଯାଇଥିବା ୱାର୍ଡରେ ଅଳ୍ପ କଏଦୀ ଅଛନ୍ତି,ଯେଉଁମାନେ ଗ୍ୟାଙ୍ଗଷ୍ଟର ନୁହଁନ୍ତି। ଜେଲ ଭିତରେ ସେମାନଙ୍କର ଭଲ ଆଚରଣ ଭଲ। ଜେଲ ନିୟମ ଅନୁଯାୟୀ ତାଙ୍କ ସୁରକ୍ଷା ପାଇଁ ସମସ୍ତ ବ୍ୟବସ୍ଥା କରାଯାଇଛି। ଜେଲ ପ୍ରଶାସନ କହିଛି ଯେ, ତାଙ୍କୁ ଜେଲରେ ଗ୍ୟାଙ୍ଗଷ୍ଟରଙ୍କ ସହ ରଖିବା ଅଭିଯୋଗ ଭିତ୍ତିହୀନ।
ବୁଧବାର ସକାଳେ ଆମ ଆଦମୀ ପାର୍ଟିର ବିଧାୟକ ସୌରଭ ଭରଦ୍ୱାଜ ଏକ ଖବରଦାତା ସମ୍ମିଳନୀ କରିଥିଲେ। ସେ କେନ୍ଦ୍ର ସରକାରଙ୍କୁ ଟାର୍ଗେଟ୍ କରି କହିଥିଲେ, ମନୀଷ ସିସୋଡିଆଙ୍କୁ ଜେଲରେ ହତ୍ୟା କରିବା ପାଇଁ ଭାଜପା ଷଡଯନ୍ତ୍ର କରିଛି କି? ଏହି ଷଡଯନ୍ତ୍ର ଅନୁଯାୟୀ, ମନୀଷ ସିସୋଡିଆଙ୍କୁ ଦୁର୍ଦ୍ଦାନ୍ତ ଅପରାଧୀଙ୍କ ସହ ଜେଲ ନମ୍ବର ୧ରେ ରଖାଯାଇଛି। ସିସୋଡିଆ ଭିପାସନା ସେଲରେ ରହିବେ ବୋଲି କୋର୍ଟ ନିର୍ଦ୍ଦେଶ ଦେଇଛନ୍ତି। ଏସବୁ ସତ୍ତ୍ୱେ ତାଙ୍କୁ ବିପଦପୂର୍ଣ୍ଣ ଅପରାଧୀଙ୍କ ସହିତ କାହିଁକି ରଖାଯାଇଛି? ପ୍ରଧାନମନ୍ତ୍ରୀ ଏବଂ ଭାଜପା ରାଜନୈତିକ ସ୍ତରରେ ଏଏପିକୁ ପରାସ୍ତ କରିପାରୁ ନାହିଁ, ତେଣୁ ସେମାନେ ଆମର ନେତାମାନଙ୍କୁ ହତ୍ୟା କରିବା ପାଇଁ ଷଡଯନ୍ତ୍ର କରିଛନ୍ତି କି? ଏହି ଉପାୟରେ ଦିଲ୍ଲୀ ଏବଂ ଏମସିଡି ପରାଜୟର ପ୍ରଧାନମନ୍ତ୍ରୀ ପ୍ରତିଶୋଧ ନେବେ କି ବୋଲି ସେ ପ୍ରଶ୍ନ କରିଛନ୍ତି।