ସାର୍ ମୋ ସ୍ତ୍ରୀଙ୍କୁ ଅପହରଣ କରି ନେଇଛନ୍ତି ଆପଣଙ୍କ ସିପାହୀ: ଏସଏସପିଙ୍କ ଆଗରେ ସ୍ବାମୀଙ୍କ ଗୁହାରୀ…
01 ମିରଟ,୧୩।୨ : ମିରଟରେ ଜଣେ ସ୍ବାମୀ ଏସଏସପି କାର୍ଯ୍ୟାଳୟରେ ପହଞ୍ଚି ତାଙ୍କ ସ୍ତ୍ରୀଙ୍କୁ ଉଦ୍ଧାର କରିବାକୁ ଅନୁରୋଧ କରିଛନ୍ତି। ଗୁରୁତ୍ୱପୂର୍ଣ୍ଣ କଥା ହେଉଛି ଜଣେ ସିପାହୀ ତାଙ୍କ ସ୍ତ୍ରୀଙ୍କୁ ନିଜ ପ୍ରେମ ଜାଲରେ ଫାନ୍ଦରେ ପକାଇ ତାଙ୍କୁ ଅପହରଣ କରି ନେଇ ଯାଇଛନ୍ତି। ମିରଟ ପୋଲିସ ଷ୍ଟେଶନରେ ପୋଷ୍ଟ କରାଯାଇଥିବା କନଷ୍ଟେବଳ ଦୀପକ ଯାଦବ ଜଣେ ମହିଳାଙ୍କୁ ପ୍ରେମ ଜାଲରେ ପକାଇଥିବା ଅଭିଯୋଗ ହୋଇଛି। ଏବେ ସ୍ବାମୀ ପୋଲିସ ଅଧିକାରୀଙ୍କଠାରୁ ନ୍ୟାୟ ପାଇଁ ନିବେଦନ କରୁଛନ୍ତି।
ମାମଲା ମିରଟର ଜାନି ପୋଲିସ ଷ୍ଟେଶନ ଅଞ୍ଚଳରେ, ଯେଉଁଠାରେ କନଷ୍ଟେବଳ ଦୀପକ ଯାଦବ ପୋଷ୍ଟ କରାଯାଇଛନ୍ତି। ଆଲିଗଡର ବାସିନ୍ଦା ସୌରଭ ସିଂ ନାମକ ଜଣେ ବ୍ୟକ୍ତି ମଙ୍ଗଳବାର ଏସଏସପି କାର୍ଯ୍ୟାଳୟରେ ପହଞ୍ଚି ତାଙ୍କ ସ୍ତ୍ରୀଙ୍କୁ ଉଦ୍ଧାର କରିବାକୁ ପୋଲିସ ଅଧିକାରୀଙ୍କୁ ନିବେଦନ କରିଛନ୍ତି।
ଦୀର୍ଘ ଦିନ ଧରି ସୋସିଆଲ ମିଡିଆ ମାଧ୍ୟମରେ ସେମାନଙ୍କର ବନ୍ଧୁତା ଚାଲିଆସୁଥିଲା ଏବଂ ବର୍ତ୍ତମାନ ହଠାତ ଦୁହେଁ ଘରୁ ପଳାଇ ଯାଇଛନ୍ତି। ସେ ଏହା ପୂର୍ବରୁ ଅନେକ ଥର ଅଭିଯୋଗ କରିଛନ୍ତି କିନ୍ତୁ ଏପର୍ଯ୍ୟନ୍ତ ପୋଲିସ ଏ ବାବଦରେ କୌଣସି ପଦକ୍ଷେପ ନେଇନାହିଁ। ଏବେ ସେ ନ୍ୟାୟ ପାଇବା ପାଇଁ ଏସଏସପିଙ୍କ ପାଖକୁ ଆସିବାକୁ ବାଧ୍ୟ ହୋଇଛନ୍ତି। ଏହି ଘଟଣାର ତଦନ୍ତ ପାଇଁ ପୋଲିସ ଅଧିକାରୀ ନିର୍ଦ୍ଦେଶ ଦେଇଛନ୍ତି।
ସ୍ବାମୀ କହିଛନ୍ତି ମୁଁ ପିଲାମାନଙ୍କୁ ଟ୍ୟୁସନ କରି ମୋର ରୋଜଗାର କରେ। ୩ ଫେବୃଆରୀ ଠାରୁ ମୋ ସ୍ତ୍ରୀ ନିଖୋଜ ଅଛନ୍ତି। ମୁଁ ଜାଣେ ନାହିଁ ସେ କେଉଁଠାରେ ଅଛନ୍ତି। ମୋର ସନ୍ଦେହ ସେ ଦୀପକ ଯାଦବଙ୍କ ସହିତ ଅଛନ୍ତି ।