ମୁମ୍ବାଇ: ଅଭିନେତା ସିକନ୍ଦର ଖେର, ଯେକି ଷ୍ଟ୍ରିମିଂ ଫିଲ୍ମ ମୋନିକା ଓ ମାଇ ଡାର୍ଲିଂଗସରେ ତାଙ୍କର କାମ ପାଇଁ ଦର୍ଶକଙ୍କ ହୃଦୟ ଜିତିଥିଲେ, ତାଙ୍କର ଲୋକ ପ୍ରିୟ ଓଟିଟି ଶୋ’ ଆର୍ଯ୍ୟାର ସେଟକୁ ଫେରିଛନ୍ତି । ଏଥିରେ ପୂର୍ବତନ ମିସ୍ ୟୁନିଭର୍ସ ସୁସ୍ମିତା ସେନ ମୁଖ୍ୟ ଭୂମିକାରେ ନଜର ଆସିବେ । ନିକଟରେ ସେ ଆର୍ଯ୍ୟା ସିଜନ ୩ର ଶୁଟିଂ ଆରମ୍ଭ କରିଛନ୍ତି ।
ଅଭିନେତା ସିକନ୍ଦର ନିକଟରେ ଏକ ଭିଡିଓ ଶେୟାର କରିଛନ୍ତି । ଯେଉଁଥିରେ ଦେଖାଯାଇଛି ଦୌଲତ ନାମକ ତାଙ୍କ ଚରିତ୍ର ଖୁବଶୀଘ୍ର ପରଦାକୁ ଫେରିଛି । ସେ ଶୋ’ର ନିର୍ଦ୍ଦେଶକ ରାମ ମାଧୱାନି ଓ ତାଙ୍କ ଟିମର ମଧୁର ସ୍ୱାଗତ ନୋଟ ବି ଶେୟାର କରିଛନ୍ତି ।
ଅଭିନେତା କହିଛନ୍ତି, ଯେଉଁ କ୍ୟାରେକ୍ଟରରେ ମୁଁ କାମ କରୁଛି ଓ ଯାହା ସହିତ ଦୁଇଟି ସିଜନ ରହି ସାରିଛି, ତାକୁ ପୁଣିଥରେ ପାଇ ଖୁସି ଲାଗୁଛି । ରାମ, ସୁସ୍ମିତା ଓ ପୁରା ଟିମ ସହ ପୁଣି କାମ କରିବାକୁ ଅପେକ୍ଷା ରଖିଛି । ମୁଁ ଯାହା କିଛି ପଢିଛି , ସେଥିରୁ ମୁଁ ନିଶ୍ଚିତ ଅଛି ଯେ ଏଥିରେ ବହୁତ କିଛି ରହିଛି ଦର୍ଶକଙ୍କ ପାଇଁ ।
ଅଭିନେତା ଆହୁରି ମଧ୍ୟ କହିଛନ୍ତି ଆଗକୁ ମୁଁ ଆଉ କିଛି କହିପାରିବିନି, କାରଣ ଏବେ ଆମେ ଏହାର ଶୁଟିଂ ଆରମ୍ଭ କରିଛୁ । ହଁ ଶୋରେ ଚରିତ୍ରମାନେ ବହୁତ ଆଗକୁ ଚାଲିଯାଇଛନ୍ତି । ଦୌଲତର ଲେଉଟାଣିକୁ ନେଇ ଉତ୍ସାହିତ ଅଛି ।
କ୍ରାଇମ ଆକ୍ସନ ଥ୍ରିଲର ସିରିଜ ଆର୍ଯ୍ୟାର ସିଜନ ୩ ଖୁବଶୀଘ୍ର ଡିଜନି ପ୍ଲସ ହଟଷ୍ଟାରରେ ଆସିବ ।
