ବମ୍ବେ: ବିବାହ ବନ୍ଧନରେ ଆବଦ୍ଧ ହୋଇଛନ୍ତି ବଲିଉଡ୍ର ଅନ୍ୟତମ ହିଟ୍ ଯୋଡ଼ି କିଆରା ଆଡଭାଣୀ ଏବଂ ସିଦ୍ଧାର୍ଥ ମଲହୋତ୍ରା। ରାଜସ୍ଥାନର ସୂର୍ଯ୍ୟଗଡ଼ ପ୍ୟାଲେସ୍ରେ ପଞ୍ଜାବୀ ରୀତିନୀତିରେ ଦୁହିଁଙ୍କ ବିବାହ ସମ୍ପନ୍ନ ହୋଇଛି। ଏହି ବିବାହରେ ପରିବାର ସହ ସମ୍ପର୍କୀୟମାନେ ଯୋଗ ଦେଇଥିବା ନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା ଜୋର ଧରିଛି।
ଏହି ହାଇଭୋଲ୍ଟେଜ୍ ବିବାହ ଲାଗି ପ୍ୟାଲେସ୍କୁ ସୁନ୍ଦର ଭାବେ ସଜା ଯାଇଥିଲା। ସୋମବାର ସକାଳୁ ବିବାହର ରୀତିନୀତି ଆରମ୍ଭ ହୋଇଥିଲା। ପ୍ରଥମେ ମେହେନ୍ଦୀ ଏବଂ ସଙ୍ଗୀତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ମଙ୍ଗଳବାର କିଆରାଙ୍କ ହଳଦୀ ସମାରୋହ କରାଯାଇଥିଲା। ଅପରାହ୍ନରେ ବରଯାତ୍ରୀ ବାହାରିଥିବା ବେଳେ ବେଶ ଧୁମ୍ଧାମ୍ରେ ବିବାହ ଶେଷ ହୋଇଛି। ଅନେକ ସେଲିବ୍ରିଟି ସିଦ୍ଧାର୍ଥ-କିଆରାଙ୍କ ବିବାହରେ ଯୋଗଦେବାକୁ ପହଞ୍ଚିଥିଲେ।
ତେବେ ଏହି ଯୋଡ଼ି କେବେ ନିଜେ ଆଧିକାରୀକ ଭାବେ ଏନେଇ ଘୋଷଣା କରୁଛନ୍ତି ତାହା ଦେଖିବାକୁ ବାକି ରହିଛି। ପ୍ରଶଂସକମାନେ ନ୍ୟୁଲି ଓ୍ବେଡ୍ଙ୍କ ଫଟୋକୁ ଅପେକ୍ଷା କରି ରହିଛନ୍ତି।
Haldi Today 💥#SidharthMalhotra#SidKiaraWedding#KiaraSidharthwedding#SidharthKiaraWedding#KiaraAdvani pic.twitter.com/FH1q0tAbuI
— Ayush (@Ayushh_11) February 7, 2023
