ଥିରୁବନନ୍ତପୁରମ୍,୧୫।୧: ଶ୍ରୀଲଙ୍କା ବିପକ୍ଷରେ ରବିବାର ଖେଳାଯାଉଥିବା ତୃତୀୟ ଦିନିକିଆରେ ଚମକିଛନ୍ତି ବ୍ୟାଟ୍ସମ୍ୟାନ୍ ଶୁଭମନ ଗିଲ୍। ସେ ନିଜର ଦିନିକିଆ କ୍ୟାରିୟରରେ ଦ୍ୱିତୀୟ ଶତକ ମାରିବାରେ ସଫଳ ହୋଇଛନ୍ତି। ଗିଲ ୮୯ ବଲ୍ରେ ଏହି ଶତକ ପୂରଣ କରିଛନ୍ତି। ଏଥିରେ ୧୧ ଚୌକା ଏବଂ ୨ ଛକା ରହିଛି। ତେବେ ସେ ମ୍ୟାଚ୍ରେ ମୋଟ ୧୧୬ ରନ୍ କରି ପ୍ୟାଭିଲିୟନ ଫେରିଛନ୍ତି।
ଅଧିନାୟକ ରୋହିତ ଶର୍ମାଙ୍କ ସହ ଓପନିଂ କରିବାକୁ ଓହ୍ଲାଇଥିଲେ ଶୁଭମନ। ୯୫ରନ୍ର ଭାଗିଦାରୀ ପରେ ରୋହିତ ଆଉଟ୍ ହୋଇଥିଲେ। ପରେ କୋହଲିଙ୍କ ସହ ଶୁଭମନଙ୍କ ଯୋଡ଼ି ଇନିଂସକୁ ଆଗକୁ ନେଇଥିଲେ। ଦଳର ସ୍କୋର ୩୩.୪ ଓଭରରେ ୨୨୬ ଥିବା ବେଳେ ଶୁଭମନ ଆଉଟ୍ ହୋଇଛନ୍ତି।
