ପୁରୁଣା ଭୁବନେଶ୍ୱର,୧୩।୨ (ଡି.ଏନ.ଏ.) : ବାଙ୍କୁଆଳ ହାଇସ୍କୁଲ ପଡିଆରେ ୮ ଦିନ ଧରି ଚାଲିଥିବା ୧୨ତମ ଜଗବନ୍ଧୁ ସ୍ବାଇଁ ମେମୋରିଆଲ କ୍ରିକେଟ ଟୁର୍ନାମେଣ୍ଟ ଉଦ୍ଯାପିତ ହୋଇଯାଇଛି। ପ୍ରତିଯୋଗିତାର ଫାଇନାଲ ମ୍ୟାଚ ଶୁଆଙ୍ଗ କ୍ରିକେଟ କ୍ଲବ, ଭୁବନେଶ୍ୱର ଓ ମା’ ଭଗବତୀ କ୍ରିକେଟ କ୍ଲବ, ବାଙ୍କୁଆଳ ମଧ୍ୟରେ ହୋଇଥିଲା। ଏଥିରେ ବାଙ୍କୁଆଳ ଦଳ ପ୍ରଥମେ ବ୍ୟାଟିଂ କରିବାକୁ ଯାଇ ନିର୍ଦ୍ଧାରିତ ୨୦ ଓଭରରେ ୮ ଉଇକେଟ ହରାଇ ୧୭୯ ରନ କରିଥିଲା।
ଜବାବରେ ଶୁଆଙ୍ଗ ଦଳ ୧୯ ଓଭରରେ ୭ ଉଇକେଟ ବିନିମୟରେ ୧୮୦ ରନ କରି ବିଜୟୀ ହୋଇଥିଲା। ଦଳ ପକ୍ଷରୁ ଜଗବନ୍ଧୁ ସ୍ବାଇଁ ୬୦ ଓ ସୂର୍ଯ୍ୟକାନ୍ତ ବଡ଼ଜେନା ୪୮ ରନ କରିଥିଲେ। ଫାଇନାଲ ମ୍ୟାଚରେ ମୁଖ୍ୟଅତିଥି ଭାବେ ଯାତ୍ରା ସ୍ବର୍ଣ୍ଣମହଲ ପ୍ରଯୋଜକ କବିରାଜ ସ୍ବାଇଁ, ଭୁବନେଶ୍ୱର ଜୋନ୍ -୪ ଏସିପି ଶୁଭ ନାରାୟଣ ମୁଦୁଲି, ବଡ଼ଗଡ଼ ଥାନା ଆଇଆଇସି ତୃପ୍ତିରଞ୍ଜନ ନାୟକ, ଭୁବନେଶ୍ୱର ବାର ଆସୋସିଏଶନ ସମ୍ପାଦକ ରାଜ କିଶୋର ଦାସ, ସମାଜିକକର୍ମୀ କ୍ଷୀରୋଦ କୁମାର ସ୍ବାଇଁ, ରମେଶ ଚନ୍ଦ୍ର ପଣ୍ଡା, ସୂର୍ଯ୍ୟରଞ୍ଜନ ଜେନା, ପ୍ରଫୁଲ୍ଲ ସ୍ବାଇଁ ପ୍ରମୁଖ ଉପସ୍ଥିତ ଥିଲେ।