ନୂଆଦିଲ୍ଲୀ,୨୭।୧୦: ଭାରତୀୟ ଦିନିକିଆ ଦଳର ଉପ-ଅଧିନାୟକ ଶ୍ରେୟସ ଆୟରଙ୍କୁ ସିଡନୀର ଏକ ହସ୍ପିଟାଲରେ ଭର୍ତ୍ତି କରାଯାଇଛି। ତାଙ୍କୁ ICUରେ ରଖାଯାଇଛି। ରିପୋର୍ଟ ଅନୁଯାୟୀ, ଆୟରଙ୍କ ଇଣ୍ଟରନାଲ୍ ବ୍ଲିଡିଂ ହେଉଛି। ସତର୍କତାମୂଳକ ପଦକ୍ଷେପ ସ୍ବରୂପ ଆୟରଙ୍କୁ ICUରେ ରଖାଯାଇଛି। ତାଙ୍କୁ ୫ ରୁ ୭ ଦିନ ପର୍ଯ୍ୟନ୍ତ ହସ୍ପିଟାଲରେ ରହିବାକୁ ପଡ଼ିପାରେ।
ସିଡନୀରେ ଖେଳାଯାଇଥିବା ସିରିଜର ତୃତୀୟ ତଥା ଅନ୍ତିମ ଦିନିକିଆ ମ୍ୟାଚ ସମୟରେ ଶ୍ରେୟସ ଆୟରଙ୍କ ପାଟିରେ ଆଘାତ ଲାଗିଥିଲା। ଅଷ୍ଟ୍ରେଲିୟ ଇନିଂସର ୩୪ତମ ଓଭରରେ ହର୍ଷିତ ରାଣାଙ୍କ ବଲରେ ଆଲେକ୍ସ କ୍ୟାରିଙ୍କ କ୍ୟାଚ ନେବାକୁ ଚେଷ୍ଟା କରିବା ସମୟରେ ସେ ଏହି ଆଘାତ ପାଇଥିଲେ। ବ୍ୟାକୱାର୍ଡ ପଏଣ୍ଟରେ ଠିଆ ହୋଇଥିବା ଶ୍ରେୟସ ଆୟର କ୍ୟାଚ ନେବାକୁ ପଛକୁ ଦୌଡ଼ିଥିଲେ, କିନ୍ତୁ ଆଘାତକୁ ରୋକିବାରେ ଅସମର୍ଥ ହୋଇଥିଲେ।
ଆଘାତ ଯୋଗୁ ତାଙ୍କ ଅବସ୍ଥା ଗମ୍ଭୀର ଥିଲା। ସେ ପଡ଼ିଆରେ ଯନ୍ତ୍ରଣାରେ ଚିତ୍କାର କରୁଥିବାର ଦେଖାଯାଇଥିଲା, ତାଙ୍କ ପେଟ ଏବଂ ଛାତିକୁ ଧରିଥିଲେ, ଯାହା ପରେ ଡାକ୍ତରୀ ଦଳ ତାଙ୍କୁ ପଡ଼ିଆ ବାହାରକୁ ନେଇଯାଇଥିଲେ। ତାଙ୍କ ଆଘାତ ଗୁରୁତର ଥିବାରୁ ତାଙ୍କୁ ବର୍ତ୍ତମାନ ସିଡନୀର ଏକ ହସ୍ପିଟାଲରେ ଭର୍ତ୍ତି କରାଯାଇଛି।
Dharitri – Odisha’s No.1 Odia Daily
