ରୁଖସାନା ଭୂମିକାରେ ନଜର ଆସିବେ ଶ୍ରଦ୍ଧା

ମୁମ୍ବାଇ: ବଲିଉଡ ବାୟୋପିକ ଟ୍ରେଣ୍ଡରେ ଏବେ ଆଉ ଜଣଙ୍କ ନାଁ ସାମିଲ ହେବାକୁ ଯାଉଛି । ୮ ଅଗଷ୍ଟ ୨୦୧୯ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆର୍ଟିକଲ ୩୦ ଶେଷ ହେବାକୁ ନେଇ ଏକ ଭାଷଣ ଦେଇଥିଲେ । ଏହି ଭାଷଣର ଶେଷକୁ ମୋଦି ୨୧ ବର୍ଷର ଝିଅ ରୁଖସାନା କୈସରଙ୍କ କାହାଣୀ କହିଥିଲେ । ଏବେ ଏହି ଝିଅକୁ ନେଇ ଏକ ଫିଲ୍ମ ନିର୍ମାଣ ହେବାକୁ ଯାଉଛି । ଆଉ ଏଥିରେ ରୁଖସାନା ଭୂମିକାରେ ନଜର ଆସିବେ ବଲିଉଡ ବିୟୁଟି ଶ୍ରଦ୍ଧା କପୁର ।
ସୂଚନାଯୋଗ୍ୟ, ଜମ୍ମୁ-କଶ୍ମୀରର ରାଜୌରି ଜିଲାର ଶହାଦର ଶରିଫ ଗାଁରେ ନୁର ହୁସେନ ଓ ରାଶିଦା ବେଗମଙ୍କ ଘରେ ଏକ କନ୍ୟା ଜନ୍ମ ନେଇଥିଲେ । ଯାହାଙ୍କ ନାମ ରଖାଯାଇଥିଲା ରୁଖସାନା କୈସର । ରୁଖସାନାର ଅର୍ଥ ହେଉଛି ଉଜ୍ୱଳ । ରୁଖସାନାଙ୍କ ଚମକ ୨୦୦୯ରେ ଦେଖିବାକୁ ମିଳିଥିଲା ଯେତେବେଳେ ସେ ୨୦ ବର୍ଷର ହୋଇଥିଲେ । ୨୭ ଡିସେମ୍ବର ୨୦୦୯ରେ ରୁଖସାନା ତାଙ୍କ ମାତାପିତା ଓ ଭାଇଙ୍କ ସହ ଘରେ ଥିଲେ । ତାଙ୍କ ଗାଁକୁ ଲାଗି ରହିଥିଲା ଏକ ଜଙ୍ଗଲ । ଯେଉଁଠାରୁ ଆତଙ୍କବାଦୀମାନେ ତାଙ୍କ ଗାଁକୁ ଖାଇବାକୁ ଅବା ରହିବାକୁ ଆସୁଥିଲେ । ସେଦିନ ରାତି ପ୍ରାୟ ୯ଟା ୩୦ରେ ୩ ଜଣ ଆତଙ୍କବାଦୀ ନୁର ହୁସେନଙ୍କ କବାଟ ବାଡେଇ ତାଙ୍କ ଘରେ ରହିବାକୁ କହିଥିଲେ । ହେଲେ ରୁଖସାନାଙ୍କ ପିତା ନୁର ହୁସେନ ସେମାନଙ୍କୁ ଘରେ ପଶିବାକୁ ଦେଇ ନ ଥିଲେ । ଏହା ଶୁଣି ଆତଙ୍କବାଦୀମାନେ ନୁର ହୁସେନଙ୍କୁ ମାରିବାକୁ ଲାଗିଥିଲେ । ଏହାଦେଖି ଘର ଭିତରେ ଥିବା ରୁଖସାନା ବାହାରକୁ ଆସି ପାଖରେ ଥିବା ଏକ କୁରାଢିରେ ଆତଙ୍କବାଦୀ ଅବୁ ଇସାମାର ମୁଣ୍ଡ ଗଣ୍ଡି ଅଲଗା କରିଦେଇଥିଲେ । ଏହାସହ ଆତଙ୍କବାଦୀଙ୍କ ବନ୍ଧୁକ ଛଡାଇଆଣି ଗୁଳି କରିବା ଆରମ୍ଭ କରି ଦେଇଥିଲେ । ଏହାକୁ ଦେଖି ଅନ୍ୟ ଆତଙ୍କବାଦୀମାନେ ସେଠାରୁ ପଳାଇ ଯାଇଥିଲେ । ତେବେ ଏହି ଘଟଣା ପୂର୍ବରୁ ଆତଙ୍କବାଦୀମାନେ ରୁଖସାନା ଓ ତାଙ୍କ ଚାଚିଙ୍କୁ ଅପହରଣ କରିନେଇଥିଲେ ବି ପରେ ଛାଡି ଦେଇଥିଲେ । ଏହାର ଠିକ ଗୋଟିଏ ମାସ ପରେ କେତେଜଣ ଅଜଣା ଲୋକ ରାତି ପ୍ରାୟ ୧୦ଟା ୩୦ରେ ରୁଖସାନାଙ୍କ ଘର ଉପରକୁ ଗ୍ରେନେଡ ମାଡ କରିଥିଲେ । ହେଲେ ତାଙ୍କ ପରିବାର ସଦସ୍ୟଙ୍କର କିଛି କ୍ଷତି ହୋଇ ନ ଥିଲା । କାରଣ ସେତେବେଳକୁ ସରକାର ରୁଖସାନାଙ୍କ ପରିବାରକୁ ହାଇ ସିକ୍ୟୁରିଟି ପୋଲିସ କଲୋନିକୁ ସିପ୍ଟ କରି ଦେଇଥିଲେ ।
ଏହାପରେ ୨୫ ଜାନୁୟାରୀ ୨୦୧୦ରେ ରିପବ୍ଲିଡ ଡେର ପୂର୍ବ ସନ୍ଧ୍ୟାରେ ରୁଖସାନା ଓ ତାଙ୍କ ଭାଇଙ୍କୁ ସେମାନଙ୍କର ସାହସିକତା ପାଇଁ କିର୍ତ୍ତି ଚକ୍ର ଦିଆଯାଇଥିଲା । ତାଙ୍କୁ ନ୍ୟାଶନାଲ ବ୍ରେଭରି ଆୱାର୍ଡ, ସର୍ବୋତ୍ତମ ଜୀବନ ରକ୍ଷା ପଦକ, ସର୍ଦ୍ଦାର ପଟେଲ ଆୱାର୍ଡ, ରାଣୀ ଝାନ୍ସି ବ୍ରେଭରି ଆୱାର୍ଡ ଭଳି ଅନେକ ପୁରସ୍କାର ମିଳିଥିଲା । ରୁଖସାନାଙ୍କ ପରିବାରର ସୁରକ୍ଷା ପାଇଁ ତାଙ୍କ ଘରେ ସ୍ପେଶାଲ ପୋଲିସ ପୋଷ୍ଟ ଲଗାଯାଇଥିଲା । ଏବେ ରୁଖସାନା ରାଜୌରିରେ କନଷ୍ଟେବଳ ରହିଛନ୍ତି । ସେ ୨୦୧୩ରେ ବିବାହ କରିଥିବା ବେଳେ ତାଙ୍କ ସ୍ୱାମୀ କବିର ହୁସେନ ଇନ୍ସପେକ୍ଟର ଅଛନ୍ତି । ତାଙ୍କର ୩ ଝିଅ । ଏବେ ସେ ପିଲାମାନଙ୍କୁ ଉଚ୍ଚ ଶିକ୍ଷା ପ୍ରଦାନ କରି ଜଣେ ଜଣେ ଦାୟିତ୍ୱବାନ ନାଗରିକ କରି ଗଢି ତୋଳିବେ ବୋଲି ରୁଖସାନା କହିଛନ୍ତି । ଏବେ ଏହି ସାହସି ଝିଅଙ୍କ କାହାଣୀକୁ ନେଇ ଚଳଚ୍ଚିତ୍ର ନିର୍ମାଣ ହେବାକୁ ଯାଉଛି, ଯେଉଁଥିରେ ଶ୍ରଦ୍ଧା କପୁର ରୁଖସାନା ଭୂମିକାରେ ଅଭିନୟ କରିବେ ।


Enter your email to get our daily news in your inbox.

All Right Reserved By Dharitri.Com

୧୪ ବର୍ଷର ବନବାସ ଶେଷ କରି କାହିଁକି ରାଜନୀତିକୁ ଫେରିଲେ ଛୋଟେ ମିଆଁ

ମୁମ୍ବାଇ,୨୮।୩: ବଲିଉଡ଼ ଅଭିନେତା ତଥା ପୂର୍ବତନ ଏମପି ଗୋବିନ୍ଦା ଗୁରୁବାର ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ନେତୃତ୍ୱରେ ଶିବସେନାରେ ଯୋଗ ଦେଇଛନ୍ତି। ମୁମ୍ବାଇ ଉତ୍ତର ପଶ୍ଚିମରେ ଶିବସେନାର...

ସିଦ୍ଧାର୍ଥଙ୍କୁ ବିବାହ ଲାଗି ହଁ କହିଲେ ଅଦିତି, ସରିଲା ନିର୍ବନ୍ଧ

ବମ୍ବେ: ବିବାହ ହୋଇନି, ସରିଛି ନିର୍ବନ୍ଧ। ଲୁଚାଛପାରେ ବଲିଉଡ୍‌ ଅଭିନେତ୍ରୀ ଅଦିତି ରାଓ ହୈଦରୀ ଏବଂ ସିଦ୍ଧାର୍ଥ କର୍ନାଟକର ଏକ ମନ୍ଦିରରେ ବିବାହ କରିନେଇଛନ୍ତି ବୋଲି...

ମନର ଯନ୍ତ୍ରଣା ବଖାଣିଲେ କରିନା

ଆଜିକାଲି କରୀନା କପୁର ଫିଲ୍ମ ‘କ୍ରୁ’କୁ ନେଇ ବେଶ୍‌ ଚର୍ଚ୍ଚାରେ ଅଛନ୍ତି। ଏହି ଫିଲ୍ମରେ ତାଙ୍କ ସହ ତବୁ ଏବଂ କ୍ରିତି ସାନନ ମଧ୍ୟ ମୁଖ୍ୟ...

ମାତ୍ର ଦେଢ ବର୍ଷ ବୟସରେ ୨୫୦ କୋଟି ଟଙ୍କାର ମାଲିକାଣୀ ହେବେ ଏହି ଷ୍ଟାରକିଡ୍‌

ବଲିଉଡର ପାଓ୍ବାରଫୁଲ୍‌ କପଲ୍‌ ରଣବୀର କପୁର ଏବଂ ଆଲିଆ ଭଟ୍ଟ ମୁମ୍ବାଇର ବାନ୍ଦ୍ରାଠାରେ ନୂଆ ଘର ପ୍ରସ୍ତୁତ କରୁଛନ୍ତି। ଏହି ଦମ୍ପତି ଶୀଘ୍ର ନିଜ ନୂଆ...

ଭାଜପାରେ ମିଶିଲେ ସିଦ୍ଧାନ୍ତ ମହାପାତ୍ର

ନୂଆଦିଲ୍ଲୀ/ଭୁବନେଶ୍ୱର,୨୮ା୩: ଭାଜପାରେ ଗୁରୁବାର ଯୋଗ ଦେଇଛନ୍ତି ଅଭିନେତା ତଥା ବିଜେଡିର ପୂର୍ବତନ ଏମ୍‌ପି ସିଦ୍ଧାନ୍ତ ମହାପାତ୍ର। ଦିଲ୍ଲୀ ମୁଖ୍ୟ କାର୍ଯ୍ୟାଳୟରେ ଯୋଗଦେଇ ସେ ଭାଜପାରେ ସାମିଲ...

ମୁନାୱାର ଫାରୁକିଙ୍କୁ ଅଟକ ରଖିଲା ପୋଲିସ

ମୁମ୍ବାଇ: ‘ବିଗ୍‌ ବସ’ ୧୭ ବିଜେତା ତଥା ଷ୍ଟାଣ୍ଡଅପ ହାସ୍ୟ ଅଭିନେତା ମୁନାୱାର ଫାରୁକି ପୁଣି ଥରେ ଅସୁବିଧାରେ ପଡ଼ିଛନ୍ତି । ବାସ୍ତବରେ ମୁନାୱାର ଫାରୁକିଙ୍କୁ...

ବିଦେଶି ବୟଫ୍ରେଣ୍ଡଙ୍କୁ ବିବାହ କଲେ ତାପସି? ଅନୁରାଗ କାଶ୍ୟପ ଅତିଥି!

ମୁମ୍ବାଇ: ଲଙ୍ଗ ଟାଇମ ବୟଫ୍ରେଣ୍ଡ ମୈଥିୟାସ ବୋଙ୍କ ସହ ବଲିଉଡ ଅଭିନେତ୍ରୀ ତାପସି ପନ୍ନୁଙ୍କ ବିବାହ ଖବର ଏବେ ହେଡଲାଇନରେ ରହିଛି। ଗତ ଦଶ ବର୍ଷ...

୫୧ ବର୍ଷ ବୟସରେ ଦ୍ୱିତୀୟ ଥର ପାଇଁ ମା’ ହେଲେ ଏହି ଅଭିନେତ୍ରୀ

ଓ୍ବାଶିଂଟନ: ହଲିଉଡର ପ୍ରସିଦ୍ଧ ଅଭିନେତ୍ରୀ କ୍ୟାମେରନ ଡିଆଜଙ୍କ ଘରେ ପୁଣିଥରେ ଖୁସିର ମୁହୂର୍ତ୍ତ ଆସିଛି। ଅଭିନେତ୍ରୀଙ୍କ ଘରେ କୁଆଁ କୁଆଁ ଡାକ ଶୁଭିଛି। ହଁ, କାମେରନ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri