ନୂଆଦିଲ୍ଲୀ, ୨୮ା୪ (ପି.ଟି.)-କରୋନା ସଂକ୍ରମିତ ବୟୋଜ୍ୟେଷ୍ଠ ଶୁଟର ଚାନ୍ଦ୍ରୋ ତୋମାରଙ୍କ ସ୍ଥାନୀୟ ଏକ ହସ୍ପିଟାଲରେ ପରଲୋକ ଘଟିଛି। ଉତ୍ତରପ୍ରଦେଶ ରାଜ୍ୟର ବାଗ୍ପାତ ବାସିନ୍ଦା ୮୯ ବର୍ଷୀୟା ଏହି ଶୁଟର ‘ଶୁଟର ଦିଦି’ ଭାବେ ପରିଚିତ ଥିଲେ। ଶ୍ୱାସ ପ୍ରଶ୍ୱାସରେ ସମସ୍ୟା ଦେଖାଦେବାରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲେ। ସେଠାରେ କୋଭିଡ୍ ଟେଷ୍ଟରେ ତାଙ୍କର ପଜିଟିଭ ଆସିଥିଲା। ଚାନ୍ଦ୍ରୋ ୬୦ ବର୍ଷ ବୟସ ଅତିକ୍ରମ କରିବା ପରେ ବନ୍ଧୁକ ଚାଳନା ଶିକ୍ଷା ଲାଭ କରିଥିଲେ। ସେ ବହୁ ଜାତୀୟ ପ୍ରତିଯୋଗିତାରେ ବିଜୟ ଲାଭ କରିଥିଲେ। ତାଙ୍କ ଜୀବନୀକୁ ନେଇ ଏକ ବଲିଉଡ୍ ଚଳଚ୍ଚିତ୍ର ନିର୍ମିତ ହୋଇଛି। ସେ ବିଶ୍ୱର ସବୁଠାରୁ ବୟସ୍କା ମହିଳା ଶାର୍ପଶୁଟର ଥିଲେ।
