ମୁମ୍ବାଇ,୧୯।୧୦: କ୍ରୁଜ ଡ୍ରଗ୍ସ ପାର୍ଟିରେ ଗିରଫ ହୋଇଥିବା ଅଭିନେତା ଶାହରୁଖ ଖାନଙ୍କ ଆର୍ଯ୍ୟନଙ୍କ ମୌଳିକ ଅଧିକାରର ସୁରକ୍ଷା ଦାବିରେ ଶିବସେନା ସୁପ୍ରିମକୋର୍ଟରେ ଏକ ପିଟିସନ ଦାଖଲ କରିଛି। ଏହା ସହିତ ମୁମ୍ବାଇରେ ଏନସିବିର ଭୂମିକା ସମ୍ପର୍କରେ ତଦନ୍ତ ପାଇଁ ଦାବି ମଧ୍ୟ ହୋଇଛି।
ସମ୍ବିଧାନର ଧାରା ୩୨ ଅନୁଯାୟୀ ଏକ ପିଟିସନ ପ୍ରଦାନ କରି ରାଜ୍ୟ ମନ୍ତ୍ରୀ ପଦବୀରେ ଥିବା କିଶୋର ତିୱାରୀ ସିଜେଆଇ ଏନ୍ଭି ରମଣଙ୍କୁ ଏହି ମାମଲାରେ ଉଚ୍ଚ ପ୍ରାଥମିକତା ଭିତ୍ତିରେ ହସ୍ତକ୍ଷେପ କରିବାକୁ ଅନୁରୋଧ କରିଛନ୍ତି। ସେ କହିଛନ୍ତି, ଗତ ଦୁଇ ବର୍ଷ ଧରି ଏକ ନିର୍ଦ୍ଦିଷ୍ଟ ଉଦ୍ଦେଶ୍ୟ ସହିତ ଏନସିବି ପକ୍ଷପାତିତା ଗ୍ରହଣ କର ଫିଲ୍ମ ବ୍ୟକ୍ତିତ୍ୱ, ମଡେଲ ଏବଂ ଅନ୍ୟ ସେଲିବ୍ରିଟିମାନଙ୍କୁ ହଇରାଣ କରୁଛି। ସେ କହିଛନ୍ତି ଯେ ସାଧାରଣ ଏନଡିପିଏସ କୋର୍ଟ (ମୁମ୍ବାଇ) ଆର୍ଯ୍ୟନ ଖାନ ଏବଂ ଅନ୍ୟ ଅଭିଯୁକ୍ତଙ୍କ ଜାମିନ ଆବେଦନକୁ ଅକ୍ଟୋବର ୨୦ ପର୍ଯ୍ୟନ୍ତ ସ୍ଥଗିତ ରଖି ଅଭିଯୁକ୍ତଙ୍କୁ ଅପମାନ ଦେଇଛି। ଆର୍ଯ୍ୟନଙ୍କୁ ୧୭ ରାତି ଅଗଣତାନ୍ତ୍ରିକ ତଥା ବେଆଇନ ଜେଲରେ ରଖାଯାଇଛି। ଏହା ହେଉଛି ମୌଳିକ ଅଧିକାରର ସମ୍ପୂର୍ଣ୍ଣ ଉଲ୍ଲଂଘନ ବୋଲି କିଶୋର କହିଛନ୍ତି।
ଧାରା ୩୨ଅନୁଯାୟୀ, ସୁପ୍ରିମକୋର୍ଟ ଏବଂ ସିଜେଆଇ ମୌଳିକ ଅଧିକାରର ଉଲ୍ଲଂଘନ ସହ ଜଡିତ ପ୍ରତ୍ୟେକ ବିଷୟର ଯାଞ୍ଚ୍ କରିବାକୁ ବାଧ୍ୟ।
