କରୋନା ଯୋଗୁ ଏବେ କ୍ରିକେଟ ସିରିଜ୍ ସ୍ଥଗିତ ରଖାଯାଇଛି। ଏହି କାରଣରୁ କ୍ରିକେଟରମାନେ ପରିବାର ସହ ସମୟ ବିତାଉଥିବାବେଳେ ଅଧିକାଂଶ ସମୟ ସୋସିଆଲ ମିଡିଆରେ ବ୍ୟସ୍ତ ରହୁଛନ୍ତି। ଏହି କ୍ରମରେ ଭାରତର ଷ୍ଟାର୍ ଓପନର୍ ଶିଖର ଧାଓ୍ବନ ପୁଅ ଜୋରାଭରଙ୍କ ସହ ସମୟ ବିତାଉଛନ୍ତି। କେତେବେଳେ ପୁଅ ସହ ମିଶି ଭୋକିଲା ପଶୁଙ୍କୁ ଖାଦ୍ୟ ଖୁଆଉଛନ୍ତି ତ ଆଉ କେତେବେଳେ ତାଙ୍କୁ ରୋଷେଇ ଘରେ ରୁଟି ସେକିବା ଶିଖାଉଛନ୍ତି। ନିକଟରେ ସେ ଜୋରାଭରଙ୍କୁ ଅଶ୍ୱଚାଳନା ଶିଖାଉଥିବା ଦେଖାଯାଇଛି। ଏହାର ଏକ ଭିଡିଓ ସେ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ପ୍ରଥମେ ଧାଓ୍ବନ ଘୋଡାରେ ବସି ବୁଲୁଥିବାବେଳେ ପରେ ପୁଅକୁ ବସାଇ ଅଶ୍ୱଚାଳନା ଶିଖାଉଛନ୍ତି।
