ଅହମ୍ମଦାବାଦ,୨୯।୪ : ମିଷ୍ଟର ଆଇପିଏଲ ଭାବେ ଜଣାଶୁଣା ଚେନ୍ନାଇ ସୁପର କିଙ୍ଗ୍ସ (ସିଏସ୍କେ) ବ୍ୟାଟ୍ସମ୍ୟାନ ସୁରେଶ ରାଇନାଙ୍କୁ ପଛରେ ପକାଇ ଦେଇଛନ୍ତି ଶିଖର ଧାଓ୍ବନ। ଚମତ୍କାର ଫର୍ମରେ ଥିବା ଦିଲ୍ଲୀ କ୍ୟାପିଟାଲ୍ସ ଓପନର ଧାଓ୍ବନ କୋଲକାତା ନାଇଟ୍ ରାଇଡର୍ସ (କେକେଆର) ବିପକ୍ଷ ମ୍ୟାଚ୍ରେ ଖେଳିଥିଲେ ୪୬ ରନ୍ର ଇନିଂସ। ଏହି ଅବସରରେ ଧାଓ୍ବନ ଆଇପିଏଲରେ ସର୍ବାଧିକ ରନ୍ କରିଥିବା ବ୍ୟାଟ୍ସମ୍ୟାନଙ୍କ ତାଲିକାରେ ଦ୍ୱିତୀୟ ସ୍ଥାନକୁ ଉନ୍ନୀତ ହୋଇଛନ୍ତି। ବର୍ତ୍ତମାନ ଆଇପିଏଲରେ ରାଇନାଙ୍କ ନାମରେ ୫,୪୮୯ ରନ୍ ଥିବାବେଳେ ଧାଓ୍ବନଙ୍କ ଖାତାରେ ରହିଛି ୫,୫୧୮ ରନ୍। ତେବେ ଏହି ତାଲିକାରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ଅଧିନାୟକ ବିରାଟ କୋହଲି ଶୀର୍ଷରେ ଅଛନ୍ତି। ତାଙ୍କ ନାମରେ ରହିଛି ସର୍ବାଧିକ ୬,୦୪୧ ରନ୍।
