ମୁମ୍ବାଇ: ଟେଲିଭିଜନ କଳାକାର ସିଦ୍ଧାର୍ଥ ଶୁକ୍ଳାଙ୍କ ମୃତ୍ୟୁ ପାଖାପାଖି ୧ ମାସ ହୋଇଗଲାଣି । ଆଉ ଏହାରି ଭିତରେ ସିଦ୍ଧାର୍ଥଙ୍କର ର୍ୟୁମର୍ଡ ଗଲଫ୍ରେଣ୍ଡ ଶହନାଜ ଗିଲ ନିଜକୁ ବାହାର ଦୁନିଆଠାରୁ ସମ୍ପୂର୍ଣ୍ଣ ଅଲଗା କରିଦେଇଥିଲେ । ହେଲେ ଏବେ ସେ କୁଆଡେ ନର୍ମାଲ ହେଉଥିବା କୁହାଯାଉଛି । ସେ ପୁଣିଥରେ ମନୋରଞ୍ଜନ ଦୁନିଆକୁ ଫେରିଥିବା ଜଣାପଡିଛି ସତ କିନ୍ତୁ ଏହା ଭିତରେ ଆଉ ଏକ ଅନୁମାନ ଲଗାଯାଇଛି । କୁହାଯାଉଛି କି ଶହନାଜ ଗିଲ ଏବେ ମୁମ୍ବାଇ ସହର ଛାଡି ଚାଲିଯାଉଛନ୍ତି । ଏମିତି ଏକ ଖବର ଏବେ ଭାଇରାଲ ହେବାରେ ଲାଗିଛି । ଏଥିରେ କୁହାଯାଉଛି କି ଶହନାଜଙ୍କ ର୍ୟୁମର୍ଡ ବୟଫ୍ରେଣ୍ଡ ସିଦ୍ଧାର୍ଥ ଶୁକ୍ଳାଙ୍କ ମୃତ୍ୟୁ ପରେ ଶହନାଜ କୁଆଡେ ସମ୍ପୂର୍ଣ୍ଣ ଭାବେ ମୁମ୍ବାଇ ସହର ଛାଡି ଚାଲିଯାଉଛନ୍ତି । ନିକଟରେ ତାଙ୍କୁ ବିମାନ ବନ୍ଦରରେ ସ୍ପଟ କରାଯାଇଥିବା ବେଳେ ଏକ ୟୁଟ୍ୟୁବ ଚ୍ୟାନେଲରେ ଏନେଇ ଖବର ଆସିବା ପରେ ଏହା ଭାଇରାଲ ହେବାରେ ଲାଗିଛି । ସୋସିଆଲ ମିଡିଆରେ ଭାଇରାଲ ହେଉଥିବା ଖବରରେ କେତେ ସତ୍ୟତା ରହିଛି ତାହା ଏପର୍ଯ୍ୟନ୍ତ ଜଣାପଡି ନାହିଁ ।
