ନୂଆଦିଲ୍ଲୀ,୨୮।୨: କଂଗ୍ରେସ ଏମ୍ପି ଶଶି ଥରୁରଙ୍କ ଇଂରାଜୀକୁ ସମସ୍ତେ ପସନ୍ଦ କରନ୍ତି। ବେଳେବେଳେ ସୋସିଆଲ ମିଡିଆରେ ଏହାର ଝଲକ ମଧ୍ୟ ଦେଖିବାକୁ ମିଳେ। ଯେତେବେଳେ ସେ ଏପରି କିଛି ଶବ୍ଦ ବ୍ୟବହାର କରନ୍ତି, ଯାହାକୁ ବୁଝିବା ପାଇଁ ଡିସ୍କନାରୀ (ଅଭିଧାନ)ର ଆବଶ୍ୟକତା ପଡ଼ିଥାଏ। ଶଶି ଥରୁରଙ୍କ ଇଂରାଜୀକୁ ନେଇ ଥଟ୍ଟାରେ କୁହାଯାଏ ଯେ, ଯଦି ତା’କୁୁ ଅଧ୍ୟୟନ କରିବାକୁ ଚାହାଁନ୍ତି, ତେବେ ଏକ ଡିସ୍କନାରୀ ସହିତ ବସନ୍ତୁ। ଏହି ଥଟ୍ଟା ଏବେ ବାସ୍ତବ ହୋଇଗଲା ଯେତେବେଳେ ଜଣେ ବ୍ୟକ୍ତି ଏକ କାର୍ଯ୍ୟକ୍ରମରେ ସାମିଲ ହୋଇ ଥରୁରଙ୍କ କଥା ଶୁଣିବାକୁ ଯାଇ ନିଜ ସହିତ ଏକ ଡିସ୍କନାରୀ ଆଣିଥିଲେ। ସୂଚନାଯୋଗ୍ୟ, ଏକ କାର୍ଯ୍ୟକ୍ରମରେ ଭାଗ ନେବାକୁ କଂଗ୍ରେସ ନେତା ଶଶି ଥରୁର ନାଗାଲାଣ୍ଡରେ ପହଞ୍ଚିଥିଲେ। ଏହି କାର୍ଯ୍ୟକ୍ରମର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯେଉଁଥିରେ ଶଶି ଥରୁରଙ୍କୁ ଶୁଣିବାକୁ ଆସିଥିବା ଜଣେ ବ୍ୟକ୍ତି ଏକ ଡିସ୍କନାରୀ ସହିତ ବସିଥିବାର ଦେଖିବାକୁ ମିଳିଛି। ଏଥିସହ ଶଶି ଥରୁର ମଧ୍ୟ ସାମ୍ନାରେ ମଞ୍ଚ ଉପରେ ବସିଥିବାର ନଜର ଆସିଛନ୍ତି। ଜଣେ ଟୁଇଟର ୟୁଜର୍ସ ଏହି ଭିଡିଓକୁ ଶେୟାର କରିଛନ୍ତି। ଫେବୃଆରୀ ୨୬ରେ ଟୁଇଟରରେ ଶେୟାର ହୋଇଥିବା ଏହି ଭିଡିଓର କ୍ୟାପସନରେ ଲେଖାହୋଇଛି,‘ନାଗାଲାଣ୍ଡର କେହି ଜଣେ ଡକ୍ଟର ଶଶି ଥରୁରଙ୍କ କଥା ଶୁଣିବା ପାଇଁ ମୋ ଶୋ’ରେ ଅକ୍ସଫୋର୍ଡ ଡିସ୍କନାରୀ ଆଣିଛନ୍ତି। ଶେୟାର ହେବା ପରେ ଉକ୍ତ ଭିଡିଓକୁ ବର୍ତ୍ତମାନ ସୁଦ୍ଧା ୫ହଜାରରୁ ଅଧିକ ଲୋକ ଦେଖିସାରିଲେଣି। ଅନେକ ୟୁଜର୍ସ ଏହାକୁ ଲାଇକ୍ କରିଥିବା ବେଳେ ଏହାକୁ ଅନ୍ୟ ସୋସିଆଲ ମିଡିଆ ପ୍ଲାଟଫର୍ମରେ ମଧ୍ୟ ଶେୟାର କରାଯାଉଛି।
Someone in Nagaland literally brought Oxford Dictionary to my show to listen to Dr. @ShashiTharoor. 😅
Bringing Dictionary along was just a joke statement until I saw this. pic.twitter.com/Qiz3E2sv3i
— R Lungleng (@rlungleng) February 26, 2023
