ମୁମ୍ବାଇ: ବଲିଉଡ ଅଭିନେତ୍ରୀ ଶରବରୀ ବାଘ ‘ବଣ୍ଟି ଔର ବବଲି ୨’ ମାଧ୍ୟମରେ ବଲିଉଡରେ ଡେବ୍ୟୁ କରିଥିଲେ । ଏବେ ସେ ଖୁବଶୀଘ୍ର ଆମିର ଖାଁଙ୍କ ପୁଅ ଜୁନୈଦଙ୍କ ଫିଲ୍ମ ‘ମହାରାଜା’ରେ ନଜର ଆସିବେ । ଏବେ ଏହି ଅଭିନେତ୍ରୀ କଥକ ଶିଖୁଥିବା କହିଛନ୍ତି । ଏକ ସାକ୍ଷାତ୍କାରରେ ସେ କାହିଁକି କଥକ ଶିଖୁଛନ୍ତି ତା’ର କାରଣ ବି ବର୍ଣ୍ଣନା କରିଛନ୍ତି । ଶରବରୀ କହିଛନ୍ତି ମାଧୁରୀ ଦିକ୍ଷିତ ହେଉଛନ୍ତି ତାଙ୍କ ପାଇଁ ପ୍ରେରଣା । ସେ ତାଙ୍କ କଥକ ନୃତ୍ୟକୁ ବେଶ ପସନ୍ଦ କରନ୍ତି । ଯେବେବି ସେ ମାଧୁରୀଙ୍କ ନୃତ୍ୟ ଦେଖନ୍ତି ସେତେବେଳେ ସେ ସଙ୍ଗେ ସଙ୍ଗେ ଗୁଗଲରେ କଥକ ଟିଚର ଖୋଜିବା ଆରମ୍ଭ କରି ଦିଅନ୍ତି । ତେବେ ଶରବରୀଙ୍କ ଇଚ୍ଛା ଅଛି ଦିନେ ନା ଦିନେ ସେ ମାଧୁରୀଙ୍କ ସହ କଥକ ନାଚିବେ । ଏହା ତାଙ୍କର ସ୍ୱପ୍ନ ବୋଲି ସେ କହିଛନ୍ତି । ତେବେ ଏମିତି ସେମିତି ନୁହେଁ ସେ ପରଫେକ୍ଟ କଥକ ଶିଖିବାକୁ ଇଚ୍ଛା ରଖିଛନ୍ତି । ଅଭିନେତ୍ରୀ କୁହନ୍ତି କଥକ ନାଚିଲେ ଶରୀରରେ ଭିନ୍ନ ପ୍ରକାରର ଆଭା ଓ ଲୟ ଆସିଥାଏ । ମୋର କଥକ ଶିଖିବା ଅର୍ଥ ମାଧୁରୀ ମ୍ୟାଡାମଙ୍କ ପ୍ରତି ଏକ ଭଲପାଇବା ବୋଲି ସେ କହିଛନ୍ତି । ମୁଁ ତାଙ୍କ ଦ୍ୱାରା ଯଥେଷ୍ଟ ପ୍ରଭାବିତ ହୋଇଥିବାରୁ ମୋତେ କଥକ ପ୍ରତି ଭିନ୍ନ ଆପର୍ଷଣ ରହିଥିବା ଶରବରୀ କହିଛନ୍ତି ।
