କରାଚି, ୧୩।୧୨: ପାକିସ୍ତାନୀ କ୍ରିକେଟ ଦଳର ପୂର୍ବତନ ଅଧିନାୟକ ଶାହିଦ ଆଫ୍ରିଦି ଅତ୍ୟଧିକ ରାଗି ଯାଇଛନ୍ତି। ଆଫ୍ରିଦି ଅଭିଯୋଗ କରିଛନ୍ତି ଯେ ତାଙ୍କ ଝିଅ ବିଷୟରେ ସୋସିଆଲ ମିଡିଆରେ ମିଥ୍ୟା ଖବର ପ୍ରଚାରିତ ହେଉଛି। କିଛି ଦିନ ପୂର୍ବରୁ ତାଙ୍କ ଝିଅ ଅସୁସ୍ଥ ହୋଇ ଡାକ୍ତରଖାନାରେ ଭର୍ତ୍ତି ହୋଇଥିବା ଖବର ସୋସିଆଲ ମିଡିଆରେ ଭାଇରାଲ ହୋଇଥିଲା। ଆଫ୍ରିଦି ଏହି ପ୍ରସଙ୍ଗରେ ଅସନ୍ତୋଷ ବ୍ୟକ୍ତ କରିଛନ୍ତି। ସୋସିଆଲ ମିଡିଆ ବ୍ୟବହାର କରୁଥିବା ବ୍ୟକ୍ତିଙ୍କୁ ଅଧିକ ଦାୟିତ୍ୱବାନ ହେବା ଆବଶ୍ୟକ ଏବଂ ଏପରି ମିଥ୍ୟା ରିପୋର୍ଟ କରିବା ଉଚିତ ନୁହେଁ। ତାଙ୍କ ଝିଅ ଅସୁସ୍ଥ ନ ଥିବା ସେ କହିଛନ୍ତି। ସୂଚନାଯୋଗ୍ୟ, ଆଫ୍ରିଦି ଡିସେମ୍ବର ୨ରେ ଲଙ୍କା ପ୍ରିମିୟର ଲିଗ ଛାଡି ପାକିସ୍ତାନକୁ ଫେରିଥିଲେ। ଟୁର୍ନାମେଣ୍ଟ ମଝିରେ ଦଳ ଛାଡିବା ପାଇଁ ସେ କୌଣସି କାରଣ ଦେଇ ସେ ଦେଇ ନ ଥିଲେ। ସେ କେବଳ କହିଥିଲେ ଯେ ବ୍ୟକ୍ତିଗତ ଜରୁରୀକାଳୀନ ପରିସ୍ଥିତି ଯୋଗୁ ସେ ପାକିସ୍ତାନକୁ ଫେରୁଛନ୍ତି। ଏଥି ସହ ପରିସ୍ଥିତି ଠିକ ହେଲେ ସେ ଟୁର୍ନାମେଣ୍ଟକୁ ଫେରିବେ ବୋଲି ମଧ୍ୟ କହିଥିଲେ। କିନ୍ତୁ ସେ ପାକିସ୍ତାନକୁ ଫେରିବା ମାତ୍ରେ ସୋସିଆଲ ମିଡିଆରେ ଖବର ଆସିଥିଲା ଯେ ଆଫ୍ରିଦିଙ୍କ ଝିଅକୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଗତ ସପ୍ତାହରେ ସୋସିଆଲ ମିଡିଆରେ ଏକ ଫଟୋ ଶେୟାର କରାଯାଇଥିଲା। ଫଟୋ ତାଙ୍କ ଝିଅ ହସ୍ପିଟାଲ ବେଡ ଉପରେ ଶୋଇଛନ୍ତି ଏବଂ ଆଫ୍ରିଦି ସାମ୍ନାରେ ଛିଡା ହୋଇଛନ୍ତି। ଚଳିତ ବର୍ଷ ଫେବୃଆରୀରେ ଆଫ୍ରିଦି ପଞ୍ଚମ ଥର ପାଇଁ ପିତା ହୋଇଥିଲେ। ଆଫ୍ରିଦିଙ୍କର ୫ ଝିଅ ଅଛନ୍ତି। ୨୦ ବର୍ଷ ଧରି ପାକିସ୍ତାନ ପାଇଁ କ୍ରିକେଟ ଖେଳିଥିବା ଆଫ୍ରିଦି ଏକଦିବସୀୟରେ ୮ ହଜାରରୁ ଅଧିକ ରନ ସଂଗ୍ରହ କରିଛନ୍ତି।
