ମୁମ୍ବାଇ: ଉତ୍ସବ ସମୟରେ ବ୍ରାଣ୍ଡଗୁଡ଼ିକ ବିଜ୍ଞାପନ ଦେଇଥା’ନ୍ତି। ତାହା ପୁଣି ବିଶେଷ ରିହାତି ସହ। କ୍ୟାଡବରୀ ହେଉଛି ଏମିତି ଏକ ବ୍ରାଣ୍ଡ ଯାହାକି ଅନେକ ବିଶେଷ ପର୍ବ ସମୟରେ ବିଜ୍ଞାପନ ଦେଇଥାଏ। ଏଥର ଦୀପାବଳିରେ ନୂଆ ବାର୍ତ୍ତା ସହ କ୍ୟାଡବରୀ ପକ୍ଷରୁ ବଲିଉଡ୍ର ବିବାଦରେ ଥିବା ଅଭିନେତା ଶାହାରୁଖ୍ ଖାନ୍ଙ୍କୁ ବ୍ରାଣ୍ଡ ଆମ୍ବାସାଡର ଭାବେ ଉପସ୍ଥାପନା କରାଯାଇଛି। କରୋନା ମହାମାରୀ କାରଣରୁ ଛୋଟ, ସ୍ଥାନୀୟ ବ୍ୟବସାୟୀଙ୍କର ପରିସ୍ଥିତି ଓ କ୍ଷତିଗ୍ରସ୍ଥ ହୋଇଥିବା ବିଜ୍ଞାପନ ମାଧ୍ୟମରେ ଦର୍ଶାଯାଇଛି। ଏହି ଭିଡିଓଟି ୟୁ-ଟ୍ୟୁବରେ ଅପଲୋଡ଼ ହେବା ପରେ ଅନେକ କିଙ୍ଗ ଖାନ୍ଙ୍କୁ ପ୍ରଶଂସା କରିବା ସହ ଏହା ଭାଇରାଲ ମଧ୍ୟ ହୋଇଛି। ଇଣ୍ଟରନେଟ୍ ମଧ୍ୟ ଏଭଳି ପଦକ୍ଷେପକୁ ପସନ୍ଦ କରିଛି।
ଏହା ସ୍ଥାନୀୟ ବ୍ୟବସାୟୀଙ୍କ ସ୍ବରରୁ ଆରମ୍ଭ ହୋଇଥିଲା ଓ ମହାମାରୀ ହେତୁ ସେମାନେ କେତେ ପ୍ରଭାବିତ ହୋଇଥିଲେ ତାହା ସେମାନେ ଦର୍ଶକଙ୍କୁ କହିଥିଲେ। କେବଳ କ୍ୟାଡବରୀ ନୁହେଁ ଶହ ଶହ ଛୋଟ ବ୍ୟବସାୟକୁ ସାହାଯ୍ୟ କରିବା ଏହାର ମୂଳ ଲକ୍ଷ ବୋଲି ଭିଡିଓ ଜରିଆରେ କୁହାଯାଇଛି। ଏହି ଭିଡିଓରେ ଶାହରୁଖ ଖାନ କ୍ରିମ ରଙ୍ଗର ଶେରୱାନି ପରିଧାନ କରିଥିବା ଦେଖାଯାଇଛି। ସେ ବିଭିନ୍ନ ଦୋକାନର ନାମ ନେଇ ଦର୍ଶକଙ୍କୁ ସେମାନଙ୍କଠାରୁ ପୋଷାକ, ଜୋତା, ମିଠା, ଗ୍ୟାଜେଟ ଇତ୍ୟାଦି କିଣିବାକୁ ଅନୁରୋଧ କରିଛନ୍ତି।
