କୋଲକାତା,୮।୫: କୋଲକାତାରେ ଭାଜପା ବିଧାୟକ ଦଳ ବୈଠକରେ ପଶ୍ଚିମବଙ୍ଗ ପର୍ଯ୍ୟବେକ୍ଷକ ଦାୟିତ୍ୱରେ ଥିବା କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଭାଜପା ବିଧାୟକ ଦଳ ନେତା ଭାବେ ଶୁଭେନ୍ଦୁ ଅଧିକାରୀଙ୍କ ନାଁ ଘୋଷଣା କରିଛନ୍ତି। ଫଳରେ ଶୁଭେନ୍ଦୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ହେବା ସ୍ପଷ୍ଟ ହୋଇଯାଇଛି। ଏହି ପରିପ୍ରେକ୍ଷୀରେ ସ୍ବରାଷ୍ଟ୍ର ମନ୍ତ୍ରୀ ଶାହା ସମ୍ବୋଧିତ କରି ପଞ୍ଚମବଙ୍ଗ ବିଜୟ ସବୁଠୁ ବଡ଼ ବିଜୟ ସହ ମନ, ଆତ୍ମା, ଶରୀର ସବୁ ଖୁସି ହୋଇଯାଇଛି ବୋଲି କହିଛନ୍ତି।
ଶ୍ୟାମା ପ୍ରସାଦ ମୁଖାର୍ଜୀଙ୍କ ମାଟିରେ ଭାଜପା ସରକାର ଗଢ଼ିବା ଏକ ବଡ଼ ଉପଲବ୍ଧି। ୩୭୦ ଧାରା ହଟାଇବା ପରେ ବି ଆଉ ଗୋଟିଏ ଲକ୍ଷ୍ୟ ରହି ଯାଇଥିଲା। ଏହା ଥିଲା ଶ୍ୟାମା ପ୍ରସାଦ ମୁଖାର୍ଜୀଙ୍କ ମାଟିରେ ସରକାର ଗଢ଼ିବା। ଭାଜପା ବଙ୍ଗରେ ସରକାର ଗଢ଼ି ଏକ ବଡ଼ ଲକ୍ଷ୍ୟ ପୂରଣ କରିଛି।
ପଞ୍ଚମବଙ୍ଗରେ ଭାଜପାର ଜୟ ଯାତ୍ରା ଅତ୍ୟନ୍ତ କଷ୍ଟଦାୟକ ଥିଲା। ବିଭିନ୍ନ ସମୟରେ ହୋଇଥିବା ନିର୍ବାଚନୀ ହିଂସାରେ ୩୨୧ଜଣ ଭାଜପା କର୍ମକର୍ତ୍ତା ପ୍ରାଣ ହରାଇଛନ୍ତି। କର୍ମକର୍ତ୍ତାଙ୍କ ବଳିଦାନ କଦାପି ଭୁଲି ହେବ ନାହିଁ ବୋଲି ଶାହ କହିଛନ୍ତି।
ପଞ୍ଚମବଙ୍ଗରେ ଭାଜପା ଶପଥ ନେବା ପରେ ସୀମା ସୁରକ୍ଷାକୁ ମଜବୁତ କରାଯିବା ସହ ରାଷ୍ଟ୍ରୀୟ ସୁରକ୍ଷାକୁ ଗୁରୁତ୍ୱ ଦିଆଯିବ। ଅନୁପ୍ରବେଶ ଏବଂ ବେଆଇନ ଗୋଚାଲାଣକୁ ରୋକାଯିବ ବୋଲି କହିବା ସହିତ ଦେଶରୁ ଅନୁପ୍ରବେଶକାରୀଙ୍କୁ ବାଛି ବାହାର କରାଯିବ ବୋଲି ଶାହ କହିଛନ୍ତି।